У сераду, 29 лістапада, супрацоўнікі бібліятэк і клубных устаноў Жабінкаўшчыны сабраліся ў гарадскім Доме культуры на сустрэчу са старшынёй раённага Савета дэпутатаў Анатолем Шалтанюком.
Гадзінная размова тычылася розных пытанняў як палітычнага, так і сацыяльнага характару. Так, Анатоль Вітальевіч нагадаў, што застаецца зусім не шмат часу да 18 лютага 2018 года. На гэтую дату ў краіне прызначаны выбары ў мясцовыя распарадчыя органы, што ўплываюць на жыццё краю. У святле гэтага больш падрабязна спыніўся на выніках сацыяльна-эканамічнага развіцця Жабінкаўшчыны за дзевяць месяцаў бягучага года.
Прынамсі, у студзені–верасні аказаліся дасягальнымі такія важныя паказчыкі эфектыўнай працы, як экспарт тавараў і паслуг, стварэнне новых працоўных месцаў і ўладкаванне на іх работнікаў. Разам з тым, у раёне не выкананы патрэбны ўзровень прыцягнення замежных інвестыцый. Аказалася пакуль недасягальным і такое важнае заданне сацыяльна-эканамічнага развіцця, як годны ўзровень налічанай намінальнай заработнай платы.
Кіраўнік дэпутацкага корпуса раёна больш падрабязна спыніўся на пытаннях, звязаных з развіццём сельскагаспадарчай галіны, будаўніцтва жылля і інфраструктуры, адказаў на пытанні прысутных.
Анатоль РОСТАЎ.
Поделиться ссылкой:
Popularity: 1%
