Я люблю Жабінку

 

Кожны памятае радкі цудоўнай песні “Родны мой горад, любоў мая, казка кахання чароўная…” Напярэдадні 200-годдзя Жабінкі жыхары райцэнтра прызналіся ў любові да сваёй малой радзімы.

Таццяна БандарчукТаццяна Бандарчук:

– Люблю свой горад, таму што тут я нарадзілася, наведвала дзіцячы сад, скончыла школу. Жабінка – ціхі, утульны, спакойны гарадок. Па яго вуліцах можна гуляць увечары, уначы, не баючыся крымінальных разборак. Я амаль усіх ведаю, мяне амаль усе ведаюць, вітаюцца пры сустрэчы. Людзі тут ветлівыя, добразычлівыя. Калі б я была багатая, то купіла б Жабінку для жыцця (смяецца).

Сяргей Татарыновіч:

Сяргей Татарыновіч

– Як можна не любіць горад, у якім пражыў усё жыццё, з якім звязана столькі ўспамінаў? У Жабінцы чыста, утульна, ціха. Што яшчэ хацеў бы адзначыць, гэта кампактнасць нашага райцэнтра і крокавая даступнасць да любых аб’ектаў інфраструктуры. Маё любімае месца ў Жабінцы – гарадскі парк.

Злата Цупа:

– Я нарадзілася і вырасла ў Жабінцы. Тут жывуць мае родныя, сябры. У нас цудоўныя суседзі. Мне Злата Цупападабаецца першая гарадская школа, у якой вучуся, дзіцячая школа мастацтваў, педагогі ў гэтых установах – сапраўдныя прафесіяналы. Я ніколі не сумую, прымаю ўдзел у розных конкурсах, мерапрыемствах. Люблю гуляць з мамай па Жабінцы, асабліва ў парку.

Сцяпан Аксюцік:

Сцяпан Аксюцік– Жыву ў Жабінцы пяць дзясяткаў гадоў і радуюся кожнаму яе абнаўленню, амаладжэнню. Люблю райцэнтр у квецені садоў, у багацці кветак. Не апошнюю ролю адыгрываю і сам у стварэнні прыгажосці роднага горада: падтрымліваю яе каля будынка падатковай інспекцыі.

Марыя Захарчук:

– Я шмат падарожнічаю па розных краінах, але заўсёды з задавальненнем і радасцю вяртаюся ў родны горад, на малую радзіму. Тут я скончыла ліцэй, зараз чакаю вынікаў паступлення ў Брэсцкі дзяржаўныМаша Захарчук ўніверсітэт імя А.С. Пушкіна. Складана вылучыць нешта адно, за што я люблю Жабінку, але мае пачуцці да яе моцныя і шчырыя.

Алена і Эдуард Дашкевічы:

Алена і Эдуард Дашкевічы– Мы любім Жабінку за тое, што яе абыхо-дзяць бокам навальніцы (усміхаюцца). Кобрынскі і Брэсцкі раёны нядаўна пацярпелі, а нас навала мінавала. Размяшчэнне райцэнтра на скрыжаванні чыгуначных шляхоў і паміж Брэстам і Кобрынам вельмі зручнае і выгаднае. Жабінка – чыстая, прыгожая. Як спяваецца ў песні, гэты горад самы лепшы горад на Зямлі…

Юлія Лазавік з дочкамі Дамінікай і Карынай:Юлия Лозовик

– Я люблю Жабінку за нешматлюднасць, размеранасць і цішыню. Калі параўноўваю з Брэстам, яго шумам, рухам, мітуснёй, то перавагу аддаю нашаму ціхаму райцэнтру.
Апытвала і фатаграфавала Наталля АЛЯКСЕЙЧЫК.

Popularity: 1%

Оставить комментарий

Ваш электронный адрес не будет опубликован.


*