Гарэлка даражэй за дзіця?

Гарэлка даражэй за дзіця?

Падчас выязнога пасяджэння з мэтай аказання прафілактычнага ўздзеяння на асоб, што стаяць на розных прафілактычных уліках (а адбылося яно ў будынку Жабінкаўскага камбікормавага завода ў прысутнасці абавязаных асоб і іншых работнікаў прадпрыемства з удзелам дзяржаўнага абвінаваўцы – пракурора раёна Уладзіміра Кірылюка), суд Жабінкаўскага раёна вынес прысуд у адносінах да Лізаветы М. Яна абвінавачвалася ў тым, што паводле рашэння суда Жабінкаўскага раёна ад 09.07.2007 года абавязана была пакрываць выдаткі на ўтрыманне свайго непаўнагадовага сына 2004 года нара-джэння, які знаходзіцца на дзяржаўным забеспячэнні, штомесяц з 14.05.2007 года і да спынення падстаў спагнання, у саставе і памерах, устаноўленых урадам Рэспублікі Беларусь. Працуючы дапаможнай рабочай на камбікормавым заводзе з чэрвеня 2016 года, у перыяд з 1 жніўня па 27 кастрычніка 2017-га Лізавета М. наўмысна, не маючы на тое ўважлівых прычын, не з’яўлялася на працу больш за 10 дзён на працягу трох месяцаў, інакш кажучы здзейсніла 16 прагулаў, што пацягнула за сабой няпоўнае выкананне абавязацельстваў па пакрыцці расходаў, затрачаных дзяржавай на ўтрыманне яе 14-гадовага сына, на суму 174 рублі 11 капеек.
Дзяржаўны абвінаваўца з улікам абставінаў справы і асобы абвінавачанай, таго, што яна неаднаразова прыцягвалася да адміністрацыйнай адказнасці, прапанаваў суду прызначыць пакаранне ў выглядзе арышту на тры месяцы.
Суд таксама прыйшоў да высновы, што мэты крымінальнай адказнасці, у тым ліку і папярэджанне здзяйснення новых злачынстваў, магчымы толькі пры ўтрыманні абвінавачанай ва ўмовах строгай ізаляцыі ад грамадства, і на падставе ч. 2 арт. 174 Крымінальнага кодэкса прызначыў ёй пакаранне ў выглядзе арышту на два месяцы. Акрамя таго, у адпаведнасці з
ч. 1 арт. 107 КК ужыты прымусовыя меры бяспекі – супрацьалкагольнае лячэнне.
Уладзімір КІРЫЛЮК, пракурор Жабінкаўскага раёна, старшы саветнік юстыцыі.

Popularity: 1%

Оставить комментарий

Ваш электронный адрес не будет опубликован.


*