1 верасня – Дзень ведаў

Паважаныя педагогі
і ветэраны педагагічнай працы!
Дарагія навучэнцы і бацькі!
Прыміце самыя шчырыя віншаванні з Днём ведаў.

1 верасня – асаблівы святочны дзень, з якога пачынаецца дарога ў захапляльны свет ведаў. Якіх бы вышыняў не дасягаў чалавек, шлях да іх пачынаецца ў школе.
Дарагія хлопчыкі і дзяўчынкі! Наперадзе ў вас новы навучальны год. Няхай ён будзе напоўнены не толькі клопатамі, але і радасцю пазнання свету, знамянальнымі адкрыццямі, набыццём верных сяброў.
Асаблівыя віншаванні ў гэты дзень першакласнікам. Паспяховай вам вучобы, цікавага і захапляльнага школьнага жыцця.
Паважаныя педагогі! Ваша праца вельмі важная, ганаровая і высакародная. Выказваем вам шчырую прызнанасць за высокі прафесіяналізм, вернасць прызванню і любоў да вучняў.
Жадаем усім вам, дарагія сябры, моцнага здароўя, дабрабыту, шчасця, новых дасягненняў у працы і вучобе. Няхай новы навучальны год будзе напоўнены радасцю, яркімі падзеямі і адкрыццямі.
Раённы выканаўчы камітэт.
Раённы Савет дэпутатаў.

 

 

Фота Святланы КІСЛАЙ.
Радуюць цяплом апошнія дзянькі лета – любімай бесклапотнай пары ўсёй дзетвары. Хлопчыкі і дзяўчынкі з лёгкім сумам дагульваюць летнія канікулы, якія, як заўсёды, прамільгнулі для іх незаўважна. Паслязаўтра пачнецца новы навучальны год, школьны званок пакліча дзяцей на ўрок. А пакуль – збіраюцца школьныя партфелі і заплечнікі, прасуюцца кашулі, блузкі, штаны, спадніцы. Хвалююцца таты і мамы, асабліва тыя, што павядуць сваіх дзетак у першы клас. Такіх “навабранцаў” на Жабінкаўшчыне сёлета будзе 277 чалавек. Сярод іх і двайняты Яніна і Данііл Сарокіны, якія пойдуць у 1 клас трэцяй гарадской адзінаццацігодкі. Глядзіш на іх шчаслівыя тварыкі – і прыгадваюцца словы дзіцячай песенькі:
Первый раз в первый класс
Мы пойдем с тобой сейчас.
Это самый главный праздник
И для мамы, и для нас.
І сапраўды, няхай гэтае свята будзе для першакласнікаў радасным, цікавым, непаўторным, а першы Дзень ведаў запомніцца на ўсё жыццё!

Popularity: 1%

Оставить комментарий

Ваш электронный адрес не будет опубликован.


*