На мінулым тыдні ў раённым цэнтры творчасці дзяцей і моладзі адбылося свята “Піянерыя — краіна дзяцінства!”, прысвечанае дню нараджэння Беларускай Рэспубліканскай піянерскай арганізацыі. Удзельнікамі сустрэчы сталі піянеры-актывісты, прадстаўнікі 11 піянерскіх дружын школ раёна, педагогі-арганізатары.
Супрацоўнікі РЦТДіМ падрыхтавалі для юных гасцей цікавую праграму і піянерскую гульню па станцыях “Марафон сяброўства”, віншаванні ад вакальнага калектыву “Вясёлкавы мікс”, майстар-клас “Выраб дрэва сяброўства “Мары нашага дзяцінства”.
Па добрай традыцыі перад пачаткам сустрэчы ўсе ўдзельнікі ўсклалі кветкі да помніка загінулым воінам у знак удзячнасці за іх подзвіг і наша мірнае жыццё, ушанавалі памяць загінулых хвілінай маўчання.
Намеснік дырэктара РЦТДіМ Алена Скрыпка, аўтарка гэтых радкоў, пазнаёміла дзяцей з новымі цікавымі конкурсамі і праектамі БРПА на бягучы навучальны год, у якіх прымуць удзел піянеры Жабінкаўшчыны, быў дадзены старт традыцыйнаму раённаму конкурсу на лепшую піянерскую дружыну, вынікі якога будуць падведзены да Адзінага дня прыёму ў шэрагі БРПА 7 мая 2019 года. Юным гасцям пажадалі натхнення і перамогі ў конкурсах, выбраць сабе занятак па душы, праводзіць вольны ад вучобы час займальна, з карысцю.
Затым усіх чакала гульня “Марафон сяброўства”, у якой удзельнікі падарожнічалі па станцыях “Прававая”, “Спартыўная”, “Піянерская азбука”, “Краязнаўчая”, “Жартоўная”, “Песенная”, “Мастацкая” і знайшлі сабе новых сяброў, а таксама змаглі даведацца шмат цікавага пра нашу малую радзіму.
Напрыкацы сустрэчы дзеці разам з педагогамі цэнтра творчасці ўпрыгожылі дрэва “Мары нашага дзяцінства”. Яно абавязкова захавае для будучых пакаленняў мары дзяцей XXI стагоддзя! Хочацца верыць, што яны збудуцца!
Алена СКРЫПКА, намеснік дырэктара РЦТДіМ.
Фота аўтара.
Главные новости