Пагадзіцеся, шмат у чым ад нас з вамі залежыць парадак на вуліцах, у дварах, парках і скверах. Толькі разам мы можам зрабіць нашу малую радзіму прыгожай і чыстай.
Традыцыйна восенню стартуюць мерапрыемствы па добраўпарадкаванні раёна: уборка смецця, пакос травы, высечка дзікарослых кустоў, навядзенне чысціні ў парках. І гэты год не выключэнне. Стартаваў месячнік па добраўпарадкаванні раёна, які працягнецца да 12 лістапада. Запрашаем працоўныя калектывы і жыхароў Жабінкаўшчыны прыняць у ім актыўны ўдзел.
Прадпрыемствам, арганізацыям і ўстановам неабходна навесці парадак на падведамасных тэрыторыях: прыбраць смецце і лісце, адрамантаваць агароджы і платы, прагрэйдаваць і падсыпаць вуліцы і іншыя мерапрыемствы па добраўпарадкаванні.