Тры апошнія красавіцкія дні ў Рэспубліканскім Палацы культуры прафсаюзаў ладзіўся турыстычны форум “Спадчына Беларусі”, у якім свае праграмы для падарожнікаў прэзентавалі ўсе рэгіёны краіны. Брэстчына, напрыклад, выступіла з маршрутамі “Запаведны напеў”, “Палеская скарбонка”, “Брэст гасцінны” ды інш. На форуме абмеркавалі і сучасныя цяжкасці, з якімі сутыкнуўся турбізнес. Намеснік старшыні Федэрацыі прафсаюзаў Беларусі Уладзімір ПАЗДНЯКОЎ адзначыў: “У турыстычнай галіне абвастраецца канкурэнцыя. Але намі пастаўлена мэта ў 2022 годзе на ўнутраным рынку аздаравіць не менш за мільён працаўнікоў. Сама выстава невыпадкова названа “Спадчына Беларусі”. Спецыяльна для яе былі распрацаваны маршруты, якія ўключаюць туры, прысвечаныя Году гістарычнай памяці”.
Главные новости