«Белпошта» 23 студзеня будзе бясплатна дастаўляць паштоўкі ў час акцыі «Дзень ручнога пісьма».
У гэты дзень кліенты змогуць набыць паштовыя карткі або канверты з паштоўкамі, падпісаць іх, а супрацоўнікі прадпрыемства бясплатна даставяць іх у любы пункт Беларусі.
Спіс аддзяленняў, дзе пройдзе акцыя, размешчаны на сайце «Белпошты». У акцыі могуць прымаць удзел толькі фізічныя асобы.
Штогод 23 студзеня ва ўсім свеце адзначаецца Дзень почырку (Дзень ручнога пісьма). Гэта свята прызначана нагадаць аб унікальнасці ручнога пісьма і непаўторнасці почырку кожнага чалавека, падкрэсліць, што пры сучасных тэхналогіях рукапіснае пісьмо не страчвае сваёй значнасці.
БелТА