Наступіў доўгачаканы купальны сезон. Сотні жыхароў імкнуцца ў выхадныя дні бліжэй да вады. Свежае паветра, сонца, купанне не толькі прыносяць задавальненне, але і з’яўляюцца добрым сродкам закальвання арганізма. Разам з тым вада рэгулярна забірае жыцці. У большасці выпадкаў прычыны гібелі — незахаванне тэхнікі бяспекі, гульні і свавольства дзяцей на вадзе.
За мінулыя суткі ў рэспубліцы патанулі тры чалавекі, з іх адно дзіця.
З мэтай папярэджання падобных надзвычайных сітуацый, гібелі і траўматызму людзей у нашым раёне працягваюцца акцыі “Летні патруль” і “Канікулы без дыму і агню”.
Каб папярэдзіць трагедыі на вадаёмах, выратавальнікі нагадваюць важныя правілы бяспекі:
— купайцеся толькі ў спецыяльна адведзеных месцах;
— плавайце ўздоўж берага ці ў кірунку да яго;
— не заплывайце за буйкі;
— не нырайце ў незнаёмых месцах;
— не скачыце з лодак, пірсаў, катэраў і прычалаў;
— не плавайце на матрацах, камерах, іншых падручных сродках;
— не пакідайце дзяцей без нагляду;
— памятайце, што алкаголь і адпачынак на вадзе не сумяшчальныя.
Любоў ВАЙТОВІЧ, спецыяліст сектара прапаганды і ўзаемадзеяння з грамадскасцю Жабінкаўскага РАНС
Поделиться ссылкой:
Popularity: 1%
