Даўно заўважана: людзей прыцягвае збег лічбаў у датах. Многія нават лічаць: калі нешта адбываецца ў такія дні, дык гэта добры памятны знак, які гарантуе сямейнае шчасце на ўсё астатняе жыццё. Пагэтаму вакол “прыгожых” дат міжволі нараджаецца ажыятаж, і многія пары хочуць звязаць свае лёсы менавіта ў даты, падобную на сённяшнюю. Вядома, такі дзень лёгка запомніць і амаль немагчыма забыць.
24 красавіка 2024 года, або 24. 04. 24, – адна з такіх дат, што будзе памятнай і праз дзесяцігоддзі, для многіх маладых. Менавіта ў гэты дзень адразу чатыры пары маладых людзей, не чакаючы выхадных, выказалі жаданне абмяняцца заручальнымі пярсцёнкамі ў Жабінкаўскім загсе.
Аднак хочацца пажадаць тым, хто 24.04.24 зрабіў такі адказны крок, не толькі спадзявацца на “добры збег лічбаў”, а будаваць свае адносіны на агульных інтарэсах, павазе і каханні – падмурках сапраўднага шчасця.
А яшчэ, канечне, жадаем, каб у маладыя сем’і, як прыйдзе пара, завітаў белакрылы буслік і прынёс чаканых дзетак.
Шчасця ўсім маладым, міру вам і шчырага кахання!
Галіна АКСЮЦІК, загадчык аддзела загс Жабінкаўскага райвыканкама; Анатоль БЕНЗЯРУК
Больше новостей о своем районе и городе Жабинка можно найти в нашем Телеграм-канале по ссылке https://t.me/selsk_prav
Поделиться ссылкой:
Popularity: 1%
