Шаноўныя сельскапраўдаўцы “залатога веку”!

Паверце: вы ніколі для нас не будзеце былымі!

У свой час вы рупіліся на журналісцкай ніве, ствараючы газету, цікавую многім. Вас пазнавалі ў твар, чакалі вашых публікацый і зычылі шчасця, поспехаў, добрага здароўя. Далучаемся да гэтых пажаданняў, бо, як вядома, шмат здароўя не бывае, а шчасце патрэбна і ў юнацтве, і ў старасці. Няхай вас радуе шматколернае жыццё, цешаць дзеці, унукі, праўнукі!

Вашы прадаўжальнікі – сучасны калектыў “СП”

***

Дарагія ветэраны!
Паважаныя прадстаўнікі
старэйшага пакалення жыхароў Жабінкаўскага раёна!
Сардэчна віншую вас са святам — Днём пажылых людзей!

Гэтае свята — сімвал адзін-ства, узаемаразумення і пера-емнасці пакаленняў.
З юных гадоў мы вучымся ў вас мудрасці і ведам, вопыту і працалюбству, уменню любіць і абараняць сваю Радзіму.
Вы прысвяцілі сябе нястомнаму самаадданаму служэнню на карысць роднай краіны. Вы заклалі фундамент нашай маладой незалежнай дзяржавы.
Прыміце самыя добрыя словы ўдзячнасці і вялікай павагі за вашу неацэнную, напружаную працу, вашу сілу духу і шчырую любоў да роднага краю.
Няхай доўгім і шчаслівым будзе ваша жыццё ў акружэнні блізкіх і родных.
Добрага вам здароўя, міру і дабрабыту ў вашых сем’ях.
Жанна СТАЦІЎКА, дэпутат Палаты прадстаўнікоў Нацыянальнага сходу Рэспублікі Беларусь

***

Паважаныя прадстаўнікі старэйшага пакалення Жабінкаўшчыны!
Прыміце самыя цёплыя і шчырыя віншаванні з Днём пажылых людзей.

Гэты дзень — знак вялікай павагі да людзей, за плячыма якіх шматгадовая праца, нялёгкія выпрабаванні, багаты жыццёвы вопыт.
З’яўляючыся захавальнікамі лепшых традыцый мінулага і годным прыкладам патрыятызму, адданасці справе, многія з вас і сёння вядуць актыўны лад жыцця, удзельнічаюць у грамадскім жыцці раёна, дапамагаюць выхоўваць моладзь.
У Беларусі сацыяльная абарона пажылых людзей — адзін з прыярытэтных накірункаў развіцця, дзякуючы чаму павялічваецца абароненасць гэтай катэгорыі грамадзян.
Жадаем вам моцнага зда-роўя, душэўнага спакою, шчасця, міру і дабрыні. Няхай кожны ваш дзень будзе сагрэты цяплом любові і ўвагі.
Раённы выканаўчы камітэт
Раённы Савет дэпутатаў

***

Паважаныя ветэраны, прадстаўнікі старэйшага пакалення!

Прыміце віншаванні з Днём пажылых людзей!

Гэтае свята – цудоўная магчымасць сказаць цёплыя словы ўдзячнасці нашым татам і мамам, ветэранам вайны і працы, пенсіянерам за іх уклад у развіццё нашага раёна, за шматгадовую працу, за іх вопыт, дабрыню і мудрасць.

Лёс ветэранаў Жабінкаўшчыны ў поўнай ступені адлюстроўвае гісторыю нашага краю. Мужна пераадольваючы цяжкасці, вы працавалі дзеля шчаслівай будучыні. Многія з вас і да сённяшняга дня вядуць актыўны лад жыцця, працуюць, удзельнічаюць у грамадскіх справах, дапамагаюць выхоўваць моладзь. Вашы сэрцы захавалі энергію маладосці, якая сагравае і падтрымлівае блізкіх людзей. Вы – захавальнікі лепшых традыцый, дастойны прыклад патрыятызму, адданасці справе, мужнасці і гонару. Мы высока цэнім ваш багаты жыццёвы вопыт, які неабходны для далейшага развіцця нашага раёна.

Жадаем вам моцнага здароўя, душэўнай раўнавагі, доўгіх і шчаслівых гадоў жыцця. Няхай вас атуляюць любоўю родныя і блізкія, а іх поспех напаўняе вашы душы гонарам.

Раённы савет ветэранаў