Нездарма першы тыдзень новага навучальнага года ў Крыўлянскай сярэдняй школе, дзе педагогі заўжды асабліва клапоцяцца пра здаровы лад жыцця сваіх навучэнцаў, вырашылі прысвяціць спорту і здароўю.
Дзеля гэтага найперш правялі ва ўсіх класах “Алімпійскі ўрок”, прысвечаны нядаўнім ІІ Гульням Садружнасці Незалежных Дзяржаў, і аформілі кніжную выставу “Мы любім спорт”. За тыдзень прайшлі класныя гадзіны “Спорт, маладосць, здароўе”. Аднак толькі “тэорыяй” настаўнікі і вучні, вядома, не абмежаваліся. Таму ніхто не дакараў, а зусім наадварот, што паміж урокамі было шумна і весела ў вясковай школе, калі праходзілі рухавыя перапынкі. А тыдзень завяршыўся ў шосты суботні навучальны дзень масавым “Асеннім кросам”, прысвечаным новаму навучальнаму году.
Анатоль РОСТАЎ
Поделиться ссылкой:
Popularity: 1%
