“Супакой Вам!”. “Чаму разгубіліся, і чаму сумненні ўзніклі ў вашых сэрцах? Гэта Я!”
Евангелле паводле Св. Лукі 24,36.
Дарагія Браты і Сёстры!
У раніцу Змёртвыхпаўстання, разгубленым і спалоханым вучняў з’яўляецца Уваскрослы Хрыстос, каб знішчыць трывогу, сумненні і горыч іхніх сэрцаў і даць супакой.
У нашым жыцці ёсць шмат неспакою, болю, і нават, часам, адчаю. У такія хвіліны нам здаецца, што Бога няма, альбо Ён пакінуў нас і не цікавіцца намі. Таму важна пачуць гэтыя словы Хрыста: “Гэта Я!”. Што азначае – Я з Вамі! А таму не бойцеся нічога і старайцеся прабываць у супакоі!
Няхай радасныя дні Пасхі Хрыстовай напоўняць нашыя сэрцы супакоем Уваскрослага Хрыста. Няхай ягоная Ласка і Любоў асветляць найбольш сумныя прасторы нашага жыцця.
Хрыстос Уваскрос! Сапраўды Уваскрос!
Ад імя Парафіі Святога Юзафа ў Жабінцы:
Пробашч Кс. Тадэвуш Альшэўскі.
Вялікдзень 2023 г.
Поделиться ссылкой:
Popularity: 1%
