Праз некалькі тыдняў у нашай краіне адбудзецца чацвёрты па ліку рэферэндум. На ім выказаць свае адносіны да прыняцця зменаў у Канстытуцыю змогуць усе грамадзяне, што дасягнулі выбарчага ўзросту. Што чакаюць жабінкаўцы ад абноўленага Асноўнага Закона, згодна з якім будзе дзейнічаць наша краіна?
Ала ФАЛЕВІЧ: «У лютым будучага года плануецца правесці чацвёрты па ліку рэферэндум, будзе вынесены праект змяненняў у Асноўны Закон краіны. Наколькі ведаю, плануецца змяніць прэамбулу і 77 артыкулаў Канстытуцыі, дадаецца яшчэ адзін раздзел, дзе будзе вызначацца статус Усебеларускага народнага сходу. На асаблівым рахунку ў Канстытуцыі — сямейныя каштоўнасці, клопат аб пенсіянерах, захаванне гістарычнай памяці і нацыянальнай ідэнтычнасці. Мне неабыякавы лёс краіны, у якой жыву я, мае дзеці і маленькі ўнучак Данік. Дарэчы, мае сыны — равеснікі суверэннай Беларусі. Чаго чакаю ад Асноўнага Закона краіны? Мне, як маці і маладой бабулі, хочацца большай падтрымкі маладым, якім жыць і гадаваць дзетак».
Поделиться ссылкой:
Popularity: 1%
