Фота Кацярыны Якубёнак
Толькі разам, агульнай зладжанай камандай магчыма прыйсці да поспеху і ўтрымлівацца на высокім узроўні. У гэтым пераканана Ганаровы грамадзянін Жабінкаўскага раёна, дырэктар ААТ “Вазнясенскі” Надзея Кандрацюк. Гаспадарка моцная, паспяховая, вядомая далёка за межамі нашага краю.
Фота Наталлі ВАЛОШКІ
Надзея Рыгораўна не шкадавала цёплых удзячных слоў у адрас 125 “вазнясенцаў”. Напярэдадні свята кіраўнік больш гаварыла не пра механізмы, а пра сваіх працаўнікоў, якія штодня павялічваюць дабрабыт гаспадаркі. Дырэктар пераканана:
– Якой бы сучаснай ні была тэхніка ды перадавыя тэхналогіі, самым большым багаццем любога прадпрыемства застаюцца людзі – сапраўдная каманда аднадумцаў і паплечнікаў, што ідзе ў адным накірунку да агульнага выніку. У нас галоўны Чалавек з вялікай літары – сейбіт, араты, жывёлавод.
Фота Кацярыны Якубёнак
Фота Кацярыны Якубёнак
Баль, вядома, правіць эканоміка, важныя інвестыцыі, без іх не бывае руху наперад. Вядома, яны неабходны, каб набыць новую тэхніку, для жывёлагадоўчага комплексу ці абнаўлення матачнага пагалоўя. Паколькі аснову ў гаспадарцы складае жывёлагадоўля, у планах будаўніцтва фермы ў Малых Якаўчыцах на тысячу галоў, што дазволіць павялічыць дойны статак на трыста галоў.
Здымкі Наталлі ВАЛОШКІ
Разам з тым, не менш важна рабіць інвестыцыі ў людзей, паляпшаючы ўмовы жыцця вясковых працаўнікоў. Канечне, у кожнай камандзе ёсць сапраўдныя лідары, пра якіх не раз расказваюць са старонак газет. Але нельга змяншаць ролю, пераканана Надзея Кандрацюк, і тых, хто выконвае задачы не самыя прыкметныя, але ж не менш важныя.
– Вы бачыце прыгажосць наўкола, яна ствараецца і падтрымліваецца такімі людзьмі. І гэта выклікае павагу да іх.
Фота Кацярыны Якубёнак
Фота Наталлі ВАЛОШКІ
У верасні Надзею Кандрацюк віншавалі з уганараваннем медалём “За працоўныя заслугі”. Аднак Надзея Рыгораўна лічыць: у гэтай узнагародзе вялікі ўнёсак ветэранаў – “сталінцаў” ды “чапаеўцаў”, што закладвалі фундамент гаспадаркі, якая ў лютым 2025-га адзначыць сваё 85-годдзе, і сённяшняга пакалення “вазнясенцаў.
– Магу пералічыць усіх, але не стану гэта рабіць, бо, паверце, месца не хопіць, каб сказаць пра кожнага хоць адным радком. Яны ведаюць, што да кожнага ў мяне два падыходы: дзяржаўны, калі я – патрабавальны кіраўнік, і чалавечы, калі сябар, з кім можна даверліва падзяліцца самым надзённым. Слава Богу, людзі мне вераць. І гэта сагравае душу, бо для мяне вельмі важны чалавек і чалавечыя адносіны.
З такім падыходам і аддача з поспехам не за гарамі! “Вежкаўцы” надойваюць за год на адну рагулю больш за 10 тысяч кілаграмаў малака. Паказчык, згадзіцеся, адметны. Вельмі якасна праведзена загатоўка сенажу, што дазваляе забяспечваць статак якаснымі кармамі на ўсю зіму. Вельмі радуе таксама нарыхтоўка цукровых буракоў (у ААТ “Вазнясенскі” гэты паказчык большы за 800 цэнтнераў з гектара).
Такім чынам, да прафесійнага свята “вазнясенцы” падыходзяць паспяхова і з радасным настроем, а іх кіраўнік усім жадае міру, дабрабыту і ўдачы.
Анатоль БЕНЗЯРУК
Фота Наталлі ВАЛОШКІ і Кацярыны ЯКУБЁНАК
Popularity: 1%
