«Буду працаваць, каб выканаць вашы наказы…»

«Буду працаваць, каб выканаць вашы наказы…»

Паважаныя выбаршчыкі! Настаў першы этап маёй справаздачы як дэпутата Палаты прадстаўнікоў Нацыянальнага сходу Рэспублікі Беларусь ад Белавежскай выбарчай акругі №8. Гэты этап быў нядоўгі — усяго тры месяцы, але за гэты перыяд разгледзеў больш чым 150 зваротаў грамадзян, з якіх больш за сотню вырашана станоўча. Астатнія знаходзяцца на кантролі і будуць знятыя з яго толькі пасля іх вырашэння.
Прывяду некаторыя прыклады. Так, удалося дабіцца фінансавання і атрымана гарантыя ўрада на працяг будаўніцтва свінагадоўчага комплексу “ААТ Жабінкаўскі камбікормавы завод”; завершана будаўніцтва сетак водаправода ў квартале індывідуальнай жылой забудовы “Камсамольскі” (выконваецца падключэнне да жылых дамоў); вырашана праблема з падтапленнем падвала дома №30 на вул.Міру ў Жабінцы; узмоцнены кантроль за рухам цяжкіх буйнагабарытных транспартных сродкаў, якія аб’язджалі пункт спагнання дарожных збораў у Федзькавічах.
Адноўлены аўтобусны маршрут “Камянец — Кобрын”, выдзелены спецыяльны аўтамабіль для дастаўкі ў Брэст лю-дзей, што пакутуюць на захворванні нырак. Узноўлена будаўніцтва жылога шматкватэрнага дома ў г.Высокае, а таксама адрамантаваны дах жылога дома №77 на вул.Брэсцкая ў Камянцы.
Не засталіся па-за ўвагай і звароты грамадзян Маларыцкага раёна. Так, уведзены дадатковыя маршруты аўтобуснага руху “Маларыта — Хаціслаў”, адрамантаваны магазін у в.Мельнікі, зроблены рамонт у доме шматдзетнай маці Н.А.Мельнік і шмат іншага.
Як дэпутат прымаў актыўны ўдзел у распрацоўцы новых законаў (прынята 30 законапраектаў). Сярод іх — Закон “Аб рэкламе”, у якім адзін з раздзелаў датычыцца скарачэння рэкламнага часу пры трансляцыі перадач у кожнай гадзіне на 2 хвіліны (прыняты 17 снежня 2012г., як закон — 03.01.2013г. №15-3), Закон ад 29 снежня 2012г. №7-3 “Аб дзяржаўных дапамогах сем’ям, якія выхоўваюць дзяцей”, дзе прадугледжаны практычна двухкратны рост памераў дапамог і шэрагу льгот.
Другая сесія будзе яшчэ больш інтэнсіўнай. Намечана разгледзець больш чым 56 законапраектаў, сярод якіх пытанні іпатэкі ў жыллёвым будаўніцтве, аб дзяржаўным рэгуляванні гандлю і грамадскага харчавання, вытворчасці і абароце алкагольнай і спіртаўтрымліваючай прадукцыі і інш.
Канечне, буду працягваць прыём грамадзян і сёлета. Ужо прайшоў ён у Жабінцы, дзе практычна на ўсе пытанні заяўнікоў дадзены адказы. Наступны плануецца ў лютым у Камянцы, у сакавіку — у Маларыцкім раёне.
Буду працаваць над рэалізацыяй наказаў выбаршчыкаў. Так, у Камянецкім раёне стануць газіфікаванымі аграгарадкі Дзмітровіцкі і Камянюкскі. Старшынёй аблвыканкама ўжо дадзены даручэнні адпаведным службам аб вывучэнні магчымасці паэтапнага ўключэння ў план гізіфікацыі вёсак Мінкавічы, Баршчэва, Хацінава, Кусцічы, Даўбнёва, газіфікуецца аграгарадок Маціевічы ў Жабінкаўскім раёне.
Знойдзе сваё рашэнне пытанне аб пачатку капітальнага рамонту школы і дзіцячага сада ў г.Высокае (выдзелены грашовыя сродкі на гэтыя аб’екты). Будзе працягвацца капітальны рамонт Камянецкай і Высокаўскай гарадскіх бальніц. Завяршаецца рамонт ліфтавага забеспячэння хірургічнага корпуса Маларыцкай бальніцы. На рамонце аб’ектаў упраўлення адукацыі будзе асвоена каля 2 млрд. руб. у Жабінкаўскім і больш чым 3 млрд. руб. у Маларыцкім раёнах. Завершыцца будаўніцтва сетак гаспадарча-бытавой каналізацыі квартала індывідуальнай жылой забудовы “Коласаўскі”. Каб палепшыць пад’езды да аграгарадкоў, будуць асфальтаваны ўчасткі дарог да наступных з іх: Хадасоўскі, Каленкавіцкі, Ляхавецкі і Гвозніцкі, “Крыўляны”.
Сёлета ўвядуць у эксплуатацыю жылыя дамы ЖБСК-21 (студзень), ЖБСК-24 (кастрычнік) у Жабінкаўскім раёне; у Камянецкім — ЖБСК-10 (чэрвень), ЖБСК-8 (сту-дзень) і ў г.Высокае 60-кватэрны дом (верасень); у Маларыцкім — ЖБСК-27 (ліпень). У вёсках трох раёнаў будуць пабудаваны 46 дамоў, а ў СВК “Дарапіевічы” рэканструяваны 8-кватэрны.
Гэта далёка не поўны пералік таго, што бу-дзе зроблена паводле вашых наказаў, паважаныя выбаршчыкі.
З павагай, дэпутат Палаты прадстаўнікоў Нацыянальнага сходу Рэспублікі Беларусь ад Белавежскай выбарчай акругі №8 Уладзімір ПУЗЫРЭЎСКІ.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top