БЧ НАЗНАЧЫЛА БОЛЬШ ЗА 70 ДАДАТКОВЫХ ПАЯЗДОЎ НА НАВАГОДНІЯ І КАЛЯДНЫЯ СВЯТЫ

БЧ НАЗНАЧЫЛА БОЛЬШ ЗА 70 ДАДАТКОВЫХ ПАЯЗДОЎ НА НАВАГОДНІЯ І КАЛЯДНЫЯ СВЯТЫ

Беларуская чыгунка назначыла больш за 70 дадатковых паяздоў ва ўнутрырэспубліканскіх зносінах на навагоднія і калядныя святы, паведамілі ў прэс-цэнтры БЧ.

«З 24 снежня 2020 года да 11 студзеня 2021-га БЧ назначыла дадатковыя паязды і павялічыла перыядычнасць курсіравання паяздоў у міжрэгіянальных і рэгіянальных зносінах», — адзначылі ў прэс-цэнтры.

У святочныя і перадсвяточныя дні паязды будуць курсіраваць па найбольш запатрабаваных у пасажыраў маршрутах: Мінск — Гомель, Мінск — Брэст, Мінск — Віцебск (праз Полацк, з вагонам Мінск — Друя), Полацк — Мінск, Мінск — Пінск, Мінск — Светлагорск, Гомель — Віцебск, Гродна — Крычаў — Камунары.

БЧ нагадала, што продаж праязных дакументаў на паязды міжрэгіянальных ліній у межах краіны пачынаецца за 45 сутак да адпраўлення, на паязды рэгіянальных ліній бізнес-класа — за 20 сутак да адпраўлення.

Больш падрабязную інфармацыю пра час адпраўлення назначаных дадатковых паяздоў можна атрымаць на сайце www.rw.by, у мабільным дадатку «БЧ.Мой поезд», а таксама па тэлефоне 105 кантакт-цэнтра Беларускай чыгункі.

БелТА
 

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top This site is protected by WP-CopyRightPro