АСНОЎНЫЯ ПРАВІЛЫ, КАБ ПАЗБЕГНУЦЬ АТРУЧЭННЯЎ У СПЁКУ

АСНОЎНЫЯ ПРАВІЛЫ, КАБ ПАЗБЕГНУЦЬ АТРУЧЭННЯЎ У СПЁКУ

Загадчыца аддзела эпідэміялогіі Рэспубліканскага цэнтра гігіены, эпідэміялогіі і грамадскага здароўя Ала Дашкевіч нагадала, як пазбегнуць атручэнняў у спякотнае надвор’е.

«Па-першае, мыць рукі. Гэта тая элементарная мера, пра якую апошнім часам даволі шмат гаворыцца і якая дазваляе папярэдзіць развіццё значнай колькасці інфекцыйных захворванняў. Таму мыем рукі пасля вяртання дадому, пасля кантакту з жывёламі. Калі магчымасці памыць рукі няма, значыць, выкарыстоўваем антысептычныя сродкі. Наступнае правіла прафілактыкі датычыцца набыцця прадуктаў. Рабіць гэта неабходна ва ўстаноўленых месцах, выключыўшы несанкцыянаваны і вулічны гандаль, стыхійныя рынкі», — расказала Ала Дашкевіч.

Паводле яе слоў, больш за 80 працэнтаў выпадкаў кішачных інфекцый звязана з няправільным захоўваннем або прыгатаваннем страў дома. «Таму, па-першае, мы звяртаем увагу на тэрмін прыгоднасці, далей забяспечваем умовы захоўвання прадуктаў, прадугледжаныя вытворцам. Наступнае правіла — выкананне прынцыпу таварнага суседства. Гэта значыць, захоўваць сырую прадукцыю і гатовыя стравы неабходна раздзельна. Перад тым як пакласці ў халадзільнік, мы павінны вымыць агародніну і садавіну, якія прынеслі з магазіна. Прадукты ў пластыкавых і шкляных упакоўках трэба вымыць пад праточнай вадой, прасушыць і затым паставіць у месцы для захоўвання. Неабходна выкарыстоўваць ваду гарантаванай якасці — кіпячоную або бутэляваную. Прычым не толькі для піцця, але і для мыцця агародніны і садавіны. Асаблівую ўвагу неабходна ўдзяліць тэрмічнай апрацоўцы прадуктаў», — адзначыла загадчыца аддзела.

Выязджаючы на адпачынак на прыроду, таксама трэба памятаць пра меры бяспекі. «З сабой неабходна браць тыя прадукты, якія могуць захоўвацца пры больш высокіх тэмпературах. Або ў вас павінна быць з сабой сумка-халадзільнік для таго, каб забяспечыць той тэмпературны рэжым, які патрэбны для захоўвання. І не варта браць з сабой прадукты, што адносяцца да разраду скорапсавальных», — дадала Ала Дашкевіч.

Не варта таксама ўжываць прадукты, якія нават непрацяглы час знаходзіліся ва ўмовах, што не адпавядалі заяўленым вытворцам для іх захоўвання. Ні з якім разе не трэба ўжываць ежу са скончаным тэрмінам годнасці.

БелТА

Поделиться ссылкой:

Popularity: 1%

Оставить комментарий

Ваш электронный адрес не будет опубликован.


*


Этот сайт использует Akismet для борьбы со спамом. Узнайте как обрабатываются ваши данные комментариев.

Top