ТЫДЗЕНЬ НАВУКІ ПРАХОДЗІЦЬ У БЕЛАРУСІ

ТЫДЗЕНЬ НАВУКІ ПРАХОДЗІЦЬ У БЕЛАРУСІ

Нацыянальная акадэмія навук Беларусі праводзіць Тыдзень навукі з 20 па 25 студзеня.

Усе жадаючыя могуць бясплатна наведаць Музей гісторыі НАН, азнаёміцца з унікальнымі экспанатамі археалагічнай экспазіцыі Інстытута гісторыі НАН і Музея старажытнабеларускай культуры Цэнтра даследаванняў беларускай культуры, мовы і літаратуры. «У гэтыя дні раскрыюць дзверы навуковыя ўстановы Нацыянальнай акадэміі навук. Для правядзення групавых экскурсій неабходна накіраваць заяўку. Вядомыя вучоныя і маладыя даследчыкі сустрэнуцца з навучэнцамі, выступяць у школах, сярэдніх і вышэйшых навучальных установах з навукова-папулярнымі лекцыямі», — адзначылі ў прэс-службе.

Музей гісторыі НАН з’яўляецца ў тым ліку культурна-асветнай установай. На плошчы каля 250 кв. м размешчана больш як 3,5 тыс. экспанатаў, якія адлюстроўваюць гісторыю станаўлення і развіцця навукі ў Беларусі, стварэнне і развіццё навуковых напрамкаў, дзейнасць і выдатныя дасягненні вучоных, навуковых падраздзяленняў і інстытутаў краіны, станаўленне акадэмічных навуковых школ у галіне прыродазнаўчых, тэхнічных, медыцынскіх і гуманітарных навук, міжнародныя навуковыя сувязі, пытанні дзяржаўнага кіравання навукай.

Дзень беларускай навукі адзначаецца ў апошнюю нядзелю студзеня.

БелТА

Поделиться ссылкой:

Popularity: 1%

Оставить комментарий

Ваш электронный адрес не будет опубликован.


*


Этот сайт использует Akismet для борьбы со спамом. Узнайте как обрабатываются ваши данные комментариев.

Top