Не давайце злодзеям шанс

Не давайце злодзеям шанс

Бяспека пажылых грамадзян — адна з галоўных задач, што стаяць перад дзяржаўнымі органамі. Людзі старэйшага пакалення з-за свайго ўзросту і стану здароўя могуць стаць ахвярамі злачынцаў.
З пачатку года на Жабінкаўшчыне колькасць крымінальных злачынстваў у адносінах да пажылых людзей вырасла да 20 (летась за гэты ж перыяд было здзейснена сем). З сёлетніх 16 — гэта крадзяжы, тры — ДТЗ і адно хуліганства.
Таму супрацоўнікі міліцыі право-дзяць прафілактычныя гутаркі з людзьмі шаноўнага ўзросту і нагадваюць ім меры перасцярогі:
— не захоўвайце дома вялікія сумы грошай, а таксама каштоўныя рэчы на відных месцах, па магчымасці карыстайцеся паслугамі банкаў;
— запасныя ключы ад дома не хавайце ў лёгкадаступных месцах (пад дыванком ля дзвярэй, у паштовай скрыні і г. д.);
— заўжды правярайце, ці зачынены вокны і дзверы кватэры, нават калі адыходзіце на нядоўгі час;
— не адчыняйце дзверы незнаёмым ці малазнаёмым людзям;
— патрабуйце пасведчанне пры сустрэчы з прадстаўнікамі розных сацыяльных службаў;
— не купляйце ў незнаёмых людзей з рук электрабытавыя і іншыя тавары;
— не давайце буйныя сумы грошай у доўг без пэўнага юрыдычнага афармлення;
— не ўступайце ў гутарку з людзьмі, якія прапаноўваюць зняць “чары”.
Калі вы або вашы родныя сталі ахвярай злачынства, або вы нешта ведаеце аб гэтым, тэрмінова паведаміце па тэлефоне 102.
Яўген САМУСКЕВІЧ, намеснік начальніка Жабінкаўскага РАУС

Поделиться ссылкой:

Popularity: 1%

Top