Апошнія адгалоскі лета

Апошнія адгалоскі лета

Сёлета кастрычнік пацешыў нас доўгім цяплом, але цяпер прырода вяртаецца да звыклага восеньскага рытму. Расліны паступова “засынаюць”, рыхтуюцца да адпачынку, каб увесну зноў ажывіцца яркай зеленню і духмянымі кветкамі.
Аднак да нас яшчэ далятаюць адгалоскі недалёкага лета. Надоечы ў рэдакцыю звярнулася жыхарка аграгарадка Ленінскі Лілія Пашкевіч. Жыхары першага пад’езда дома
№ 2 па вуліцы Леніна летась, напярэдадні раённых “Дажынак”, ужо праславіліся на старонках нашай газеты як уладальнікі ганаровага звання “Пад’езд узорнага парадку”. Вось і зараз на лесвічных пралётах пануе ідэальная чысціня, а пад вокнамі жыхароў красуецца раскошная клумба, якая выглядае не менш багата, чым улетку.
Кветкі і сталі нагодай для звароту ў рэдакцыю. А менавіта — разгалісты куст бругмансіі. Як расказала Лілія Аляксандраўна, расліна гэта даволі цеплалюбівая. Звычайна яе высаджваюць дома ў аб’ёмных кадках, і тады бругмансія можа квітнець да снежня. Аднак у адкрытым грунце расліна рана “засынае”, а таму 101 шыкоўны бутон уражвае і зачароўвае! Апроч пышнага выгляду, бругмансія прыцягвае і сваім тонкім прыемным водарам.
Вось такі чарговы падарунак прынесла прырода людзям сёлетняй восенню. Назірайце за наваколлем, любуйцеся, бо ўменне бачыць прыгажосць у дробязях — ключ да сапраўднага шчасця!
Тэкст і фота Крысціны СЕМЯНЮК.

Поделиться ссылкой:

Popularity: 1%

Оставить комментарий

Ваш электронный адрес не будет опубликован.


*


Этот сайт использует Akismet для борьбы со спамом. Узнайте как обрабатываются ваши данные комментариев.

Top