Даволі часта ахвярамі злачынцаў становяцца няўважлівыя ўладальнікі двухколавага транспарту. Часам веласіпеды “знікаюць” з пад’ездаў і нават на вуліцы, калі гаспадары не сочаць належным чынам за сваёй маёмасцю.
Для папярэджання падобных злачынстваў трэба выконваць наступныя правілы: аснасціце свой веласіпед устройствам блакіроўкі колаў; не пакідайце сваю маёмасць у месцах агульнага карыстання без нагляду; мацуйце веласіпед да стацыянарных прадметаў з дапамогай спецыяльнага замка; не давайце незнаёмым людзям карыстацца вашым двухколавым сябрам; не пакідайце нават на прышпіленым веласіпедзе аксесуары: насос, сумку на раме, бутэльку з вадой – гэта можа прыцягнуць увагу злодзеяў; пры адсутнасці пашпарта на веласіпед перапішыце яго дакладную назву, мадэль і нумар рамы. Гэта дапаможа адшукаць вашу маёмасць.
Калі ваш веласіпед усё ж укралі, трэба неадкладна звярнуцца ў міліцыю і расказаць пра ўсё, што можа дапамагчы ў пошуку. За дробны крадзеж маёмасці заканадаўствам прадугледжана адказнасць у выглядзе штрафу ў памеры ад 10 да 30 базавых велічынь ці адміністрацыйны арышт.
Калі вам што-небудзь вядома пра месца захоўвання выкрадзенага веласіпеда ці пра асоб, якія здзейснілі крадзеж, вы можаце ананімна паведаміць пра гэта па тэлефоне даверу УУС Брэсцкага аблвыканкама: (80162)20-08-16 ці па нумары 102. За інфармацыю, якая дапаможа ў раскрыцці злачынства, гарантуецца ўзнагарода.
Андрэй ЛАГОТА, начальнік Жабінкаўскага РАУС.
Поделиться ссылкой:
Popularity: 1%
