Жарты з токам вылезуць бокам

Жарты з токам вылезуць бокам

Па-ранейшаму адбываюцца няшчасныя выпадкі ў энергасістэме Беларусі, звязаныя з пашкоджаннем жыхароў электрычным токам. Іх прычыны – не толькі крадзеж каляровых металаў, але і абыякавыя адносіны людзей да ўласнай бяспекі.
Так, 14 красавіка пенсіянер з пасёлка Рудка Марымонава адправіўся рыбаліць на меліярацыйны канал. Рыбак выпадкова зачапіў вудай правады ВЛ-110 кВ і загінуў ад паражэння электрычным токам.
9 мая жыхар Мінска таксама трапіў пад напружанне, дакрануўшыся ў гаражным масіве вуглепластыкавай вудай даўжынёй
7 м да высакавольтнай лініі. Ён атрымаў тэрмічныя апёкі цела, стан яго цяжкі. У той жа дзень па такім жа сцэнарыі, толькі са смяротным зыходам, завяршылася рыбалка для 33-гадовага жыхара вёскі Замосце Маладзечанскага раёна.
Каб пазбегнуць няшчасных выпадкаў, неабходна расказаць сваім родным, блізкім, дзецям, якую сур’ёзную небяспеку ўтойвае электрычны ток. Памятайце, што электрычныя сеткі адносяцца да крыніц павышанай небяспекі. Захоўвайце правілы электрабяспекі: не набліжайцеся да абарваных, ляжачых на зямлі, на плоце ці іншых пабудовах правадоў ліній электраперадачы на адлегласць менш як 8 метраў; не залазьце на апоры і не рабіце накідаў на лініі электраперадачы, не гуляйце пад імі; не заходзьце за агаро-джу трансфарматарных падстанцый, у іх памяшканні і на будаўнічыя пляцоўкі, дзе могуць прымяняцца часовыя электраправодкі; не рамантуйце самастойна электраправодку, няспраўныя электрапрыборы – звяртайцеся да спецыялістаў; не парушайце парадак уключэння прыбора ў электрасетку, згодна з ім шнур спачатку падключаецца да прыбора, а затым да сеткі; не выкарыстоўвайце аголеныя канцы правадоў замест штэпсельнай вілкі; у дамах, дзе электраправодка выканана закрытым спосабам пад тынкоўкай, нельга ў адвольных месцах сцяны ўбіваць цвікі, а таксама прабіваць адтуліны і барозны. Не праводзьце земляныя работы і раскопкі ў ахоўных зонах ліній электраперадачы без узгаднення з электрасеткамі, каб пазбегнуць пашкоджання кабеляў і траўматызму людзей. Калі вы знайшлі абарваны провад, адчыненую дзверцу трансфарматарнай падстанцыі, аголеныя канцы кабеля, бачныя з зямлі, хуценька паведаміце пра гэта дыспетчару Жабінкаўскага раёна электрасетак па тэлефонах: 2-11-14, 2-11-44.
Памятайце! Дотык да аголеных ці абарваных правадоў уяўляе сабой смяротную небяспеку. У выпадку паражэння чалавека электрычным токам выклікайце брыгаду хуткай дапамогі, бо дарагая кожная секунда.

Popularity: 1%

Оставить комментарий

Ваш электронный адрес не будет опубликован.


*