Напярэдадні Сусветнага дня распаўсюджвання інфармацыі пра аўтызм у Цэнтры карэкцыйна-развіццёвага навучання і рэабілітацыі Жабінкаўскага раёна адбылася інклюзіўная тэатральна-гульнёвая пастаноўка “Як мы казку знайшлі”. У імправізаваным спектаклі па матывах рускай народнай казкі “Церамок” прынялі ўдзел навучэнцы і выхаванцы цэнтра і першай гарадской школы, іх педагогі, бацькі і актывісты грамадскага аб’яднання “БРСМ”.
У зале падчас мерапрыемства не было гледачоў: усе актыўна ўдзельнічалі ў гульнях, адгадвалі загадкі, казкі, іх герояў. Пастаноўка аб’яднала дарослых і дзяцей, зблізіла хлопчыкаў і дзяўчынак з асаблівасцямі псіхафізічнага развіцця. Як адзначыла вядучая мерапрыемства настаўнік ЦКРНіР Надзея Жых, казка “Церамок” была выбрана для інсцэніроўкі невыпадкова: яна дала дзецям магчымасць зразумець, як трэба жыць, каб усім вакол дружыць.
Наталля ВАЛОШКА.
Фота Крысціны СЕМЯНЮК.
Поделиться ссылкой:
Popularity: 1%
