Жабінка вітала будаўнікоў

Жабінка вітала будаўнікоў

 

Святлана БЯЛЯК. Фота аўтара.
На базе Жабінкаўскага раёна адбыўся абласны семінар-нарада з кіраўнікамі арганізацый будаўнічага комплексу Брэсцкай вобласці. У ім прынялі ўдзел кіраўнікі філіялаў банкаў па Брэсцкай вобласці, структурных падраздзяленняў аблвыканкама, абласных арганізацый, а таксама кіраўнікі праектных і будаўнічых арганізацый Брэстчыны – усяго каля 60 чалавек. З поспехамі і эканамічнымі дасягненнямі раёна пазнаёміў удзельнікаў сустрэчы, адкрываючы першую частку нарады, старшыня Жабінкаўскага райвыканкама Дзмітрый Гарадзецкі.
Праграма семінара падзялялася на дзве часткі. Спачатку госці раёна агледзелі аб’екты, што будуюцца, і вытворчыя базы Жабінкаўшчыны. Так, удзельнікі сустрэчы пабывалі на тэрыторыі УП “Жабінкаўская ПМК-10”, асфальтабітумнага завода ДБУ
№ 15 ААТ “ДБТ № 4” г. Брэста, КУШВП ЖКГ “Жабінкаўская ЖКГ”, ПМК-19 УП “Брэстводбуд”, ДРБУ № 103 КУП “Брэстаблбуд”. Госці раёна з цікавасцю аглядалі вытворчыя базы названых аб’ектаў, адзначылі выключны парадак на тэрыторыях, належную працоўную дысцыпліну. Таксама ў прадстаўнікоў вобласці выклікалі інтарэс аб’екты, што ўзводзяцца на ўскрайку Жабінкаўшчыны – “Завод па вытворчасці камбікармоў” ЗАТ “Консул” і басейн у санаторыі “Надзея”. Дарэчы, будаўніцтва апошняга знаходзіцца ў стадыі завяршэння, і ўжо ў кастрычніку басейн прыме першых наведвальнікаў.
Другая частка семінара – пленарная нарада – адбылася ў актавай зале санаторыя “Надзея”. Пад час яе былі заслуханы даклады аб выніках работы будаўнічага комплексу Брэстчыны за 9 месяцаў бягучага года і пастаўленых задачах на чацвёрты квартал, а таксама аб асноўных праблемных пытаннях праектавання і дзейнасці праектных арганізацый. Намеснікі старшыняў гарвыканкамаў дакладвалі аб рабоце, якая праводзіцца з арганізацыямі будаўнічага комплексу па забяспечанасці іх загрузкі, выкананні аб’ёмаў будаўніча-мантажных работ. Вынікі семінара падвёў намеснік старшыні аблвыканкама Віктар Сакоўскі.

Поделиться ссылкой:

Popularity: 1%

1 Comment Posted

  1. Светлана, недалеко от дома, где вы живете есть улица Заводская. Она параллельна улице 22 съезда КПСС. Пройдите, пожалуйста, по ней, сделайте несколько снимков дороги на этой улице и разместите на страницах своей газеты. Состояние ее такое, что лучше увидеть собственными глазами. Машины, едущие из/в гаражей, расположенных в конце улицы, разбивают ее до состояния, когда и ходить по ней невозможно. Особенно в условиях ежедневных дождей. А в темное время суток ходить по этой улице еще и для жизни опасно, т.к. она очень плохо освещается.

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top This site is protected by WP-CopyRightPro