Святлана БЯЛЯК.
Фота аўтара.
2017-ы багаты на юбілейныя даты ў жыцці Аляксандра Семенюка, дырэктара ААТ “Рагазнянскі”. Сёлета ён адзначыў сваё 60-годдзе, 35 гадоў таму прыйшоў працаваць на Жабінкаўшчыну, з якіх 20 з’яўляецца паспяховым кіраўніком добра вядомай у вобласці і рэспубліцы гаспадаркі.
З гэтай нагоды ў зале паседжанняў райвыканкама сабраліся верныя таварышы, калегі і госці, каб павіншаваць Аляксандра Васільевіча.
Першым слова ўзяў Дзмітрый Гарадзецкі, старшыня раённага выканаўчага камітэта. Уручаючы Прывітальны адрас, ён падкрэсліў:
– Прыемна ўшаноўваць такога энергічнага, актыўнага, нераўнадушнага да даручанай справы чалавека. 35 гадоў таму ваша працоўная біяграфія пачалася ў былым саўгасе “Беларусь”, і дагэтуль вы пішаце яе добрымі дасягненнямі. Па вытворчасці малака “Рагазнянскі” – флагман у раёне. З малочнатаварных ферм у перапрацоўку паступае 18,6 %
ад усяго, што надойваюць на Жабінкаўшчыне. Што тычыцца надояў, атрыманых на карову –
тут даўно “ўзялі” 8-тысячную планку – вынік, годны не толькі абласнога, але і рэспубліканскага ўзроўню. І заробкі працаўнікоў у гаспадарцы – таксама найвышэйшыя сярод сельгаспрад-прыемстваў раёна. Фінансавая ўстойлівасць “Рагазнянскага” –
гэта вынік вашых добрасумленных адносін, умення бачыць на перспектыву, назапашаны жыццёвы вопыт. Такіх людзей нямнога – дакладных да хвіліны, абавязковых па жыцці. Вы – чалавек шырокай душы. Няхай не падводзіць здароўе, будзе дабрабыт у сям’і, узаемаразуменне ў калектыве.
Да віншаванняў далучыліся госці. Яны выказалі нямала цёплых слоў у адрас віноўніка сустрэчы.
– У вобласці налічваецца
231 кіраўнік сельгаспрад-прыемстваў, з якіх 18 працуюць звыш 20 гадоў, – казаў Мікалай Казак, старшыня Брэсцкага абласнога аграпрамысловага саюза. – Вы, Аляксандр Васільевіч, адбыліся як дбайны гаспадар, вам удалося падняць даручаную гаспадарку на вельмі высокі ўзровень. Падабралі выдатную каманду спецыялістаў і работнікаў, з якімі любая задача па плячы.
Таксама павіншавалі Аляксандра Васільевіча старшыня Брэсцкага абласнога прафсаюза работнікаў АПК Міхаіл Юхімук, дырэктар ААТ “Жабінкаўскі” Аляксандр Тарасевіч, начальнік аддзела вытворчасці райсельгасхарчу Аляксандр Чэрнік, старшыня прафсаюза работнікаў АПК Наталля Карпук, старшыня Ленінскага сельвыканкама Юрый Кадоліч.
Расчулены цёплымі і шчырымі словамі юбіляр падзякаваў усім і паабяцаў і далей заставацца ў страі ба-дзёрым, актыўным і працаваць, як заўсёды, з поўнай аддачай.
Поделиться ссылкой:
Popularity: 1%
