Абласное ўпраўленне МНС у сваё прафесійнае свята зрабіла Брэсту падарунак. У парку культуры і адпачынку імя 1 Мая выратавальнікі ўстанавілі тэматычны арт-аб’ект – стылізаваную лавачку ў выглядзе пажарнай машыны. Аўтарамі эскіза з’яўляюцца супрацоўнікі МНС. Ажыццявілі іх задумку мясцовыя майстры кавальскіх спраў пад кіраўніцтвам Аляксандра Чумакова. Лаўка ўяўляе сабой пярэднюю частку чырвонай пажарнай машыны. Арт-аб’екту прысвоены нумар – 101 112, яго часткі супадаюць з нумарамі, па якіх можна патэлефанаваць выратавальнікам і папрасіць дапамогі ў надзвычайнай сітуацыі.
Поделиться ссылкой:
Popularity: 1%
