Удар галавой… на сто базавых велічынь

Удар галавой… на сто базавых велічынь

фемидаУсудаВы футбольны аматар, фанат? Тады, канечне, вам выпадала бачыць, як узбуджана ўзрываюцца трыбуны, калі любімец публікі забівае галавой прыгожы гол у чужыя вароты. А калі вы не на стадыёне і перад вамі не футбольнае поле, дык лепей не біць галавой. Бо тады ваш удар можа каштаваць вам… сто базавых велічынь. Аб тым папярэджваў і папярэ-джвае ўсіх Артур Б. з Жабінкі.
Было ўжо за поўнач, калі ён крочыў па вуліцы Кірава. Перад гэтым Артур закінуў, так бы мовіць, за каўнер паўлітра піва, а зараз адчуваў: малава-ата! Рашыў зазірнуць у бар “Казантып-Рыка”, каб папоўніць свой запас.
Хлопец зайшоў у бар, развеяўся, выпіў жаданую пляшку піва і каля дзвюх гадзін ночы сабраўся пакінуць піўную ўстанову. Ля ўваходу ў той час пачыналася бойка паміж не знаёмымі яму хлопцамі. “Што яны не падзялілі?” – раззлаваўшыся, падумаў Артур і разняў забіяк.
Ён яшчэ адчытваў іх, не шкадуючы і “моцных” слоў, як пачуў заўвагу ў свой адрас. Незнаёмы хлопец (а гэта быў Вадзім К.) сказаў паціху:
– Супакойся!..
Яго павучаюць?! О, гэта яшчэ больш раззлавала Артура! Ён падышоў да нахабніка і нанёс удар галавой Вадзіму ў твар. Якраз у вобласць правага вока. Ад удару хлопец схапіўся за шчаку і прысеў ад болю. Гэтым усё скончылася…
Апроч поўнага прызнання сваёй віны, Артурава вінаватасць пацверджана сведчаннем пацярпелага, пратаколамі агляду месца здарэння і заключэннем судмедэксперта.
Пры назначэнні пакарання ўлічваліся характар, абставіны і ступень небяспекі здзейсненага злачынства, а таксама асоба абвінавачваемага. Суд прызнаў Артура Б. вінаватым у наўмысных дзеяннях, што груба парушалі грамадскі парадак, а ўдар быў здзейснены ім з выключным цынізмам, што адносіцца да хуліганскіх учынкаў і падпадае пад частку 1 артыкула 339 Крымінальнага кодэкса Рэспублікі Беларусь. На аснове закона Артур панёс пакаранне ў выгля-дзе штрафу ў сто базавых велічынь, або на суму 2300 рублёў.
Віктар НОВІК, старшыня суда Жабінкаўскага раёна.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top