Каб дзіцячыя гульні не прывялі да бяды

Каб дзіцячыя гульні не прывялі да бяды

а

Дзеці – гэта наша будучыня. Усе мы марым аб тым, каб жыццё іх было шчаслівым. Задача дарослых (бацькоў і педагогаў) заключаецца не толькі ў тым, каб засцерагаць і абараняць дзіця, але і ў тым, каб падрыхтаваць яго да сустрэчы з рознымі складанымі, а часам і небяспечнымі сітуацыямі.

На тэрыторыі нашага раёна праходзіць рэспубліканская акцыя “У цэнтры ўвагі — дзеці!”. У рамках яе 15 верасня ў другой гарадской, Старасельскай і Ленінскай адзінаццацігодках, а 16 верасня – у Крыўлянскай і Якаўчыцкай сярэдніх школах і Маціевіцкай базавай супрацоўнікі раённага аддзела надзвычайных сітуацый правялі грамадскае мерапрыемства, каб прыцягнуць увагу да праблемы траўматызму і гібелі дзяцей ад пажараў з прычыны таго, што іх пакінулі без нагляду.

Спецыяліст групы прапаганды і ўзаемадзеяння з грамадскасцю Жабінкаўскага РАНС Таццяна Мартынава расказала дзецям, як важна ведаць і выконваць правілы паводзін пры пажары ў школе, дома, на вуліцы. Затым Таццяна Леанідаўна правяла з хлопчыкамі і дзяўчынкамі гульню-віктарыну “Школа бяспекі”, пад час якой яны праверылі веданне асноў бяспекі жыццядзейнасці. У завяршэнне спецыяліст раённага аддзела надзвычайных сітуацый прапанавала да ўвагі школьнікаў відэафільм “Недзіцячыя гульні”.

Хочацца верыць, што дзякуючы намаганням супрацоўнікаў РАНС колькасць гульняў, якія прыводзяць да пажараў і гібелі на іх, зменшыцца, а дзеці ўсвядомяць раз і назаўсёды, што запалкі – не забаўкі.

Наталля ВАЛОШКА.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top