Не чакайце ўскладненняў…

Не чакайце ўскладненняў…

IMG_0685З мэтай фарміравання ў насельніцтва здаровага ладу жыцця, клопатаў пра ўласнае здароўе, своечасовае выяўленне і лячэнне хваробаў на тэрыторыі нашай вобласці праводзяцца Дні здароўя. Так, з 18 па 21 красавіка на Брэстчыне адбыліся мерапрыемствы ў рамках Дня прафілактыкі хваробаў сэрца. Такі дзень правялі 20 красавіка і ў Жабінкаўскай цэнтральнай раённай аптэцы №27. Пад час яго арганізавалі пункт па вымярэнні артэрыяльнага ціску, наведвальнікам аптэкі прапаноўваліся памяткі з рэкамендацыямі ў прафілактыцы сардэчна-сасудзістых захворванняў, была аформлена таксама тэматычная вітрына.
Усім вядома, што прычынамі сардэчных захворванняў з’яўляюцца лішняя вага, маларухомы лад жыцця, IMG_0691шкодныя звычкі, якія могуць прывесці чалавека да арытміі, атэрасклерозу, гіпертаніі, інфарктаў, сардэчнай недастатковасці і інш. Вядома, што сардэчныя захворванні могуць быць як прыроджанымі, так і атрыманымі ў якасці ўскладненняў пасля перанесенай хваробы. Але часцей за ўсё мы самі вінаватыя, што наша сэрца не вытрымлівае напружанага ладу жыцця і тых нагрузак, якія на яго ўзвальваем. Канечне, вельмі важна правільнае лячэнне, аднак не менш важная і прафілактыка хваробаў сэрца. Прыслухайцеся да свайго арганізма. І калі часам сэрца б’ецца няроўна – не чакайце ўскладненняў, а звярніцеся да ўрача.
Таццяна КРЭЧКА, намеснік загадчыка Жабінкаўскай цэнтральнай раённай аптэкі №27.
На здымках: правізар-рэцэптар Кацярына Клімаш знаёміць наведвальніцу аптэкі Марыну Ярашчук з прыборамі для вымярэння артэрыяльнага ціску; медсястра Галіна Лазоўская вымярае артэрыяльны ціск жыхару райцэнтра Анатолю Мацкевічу.
Фота Ірыны ЖУК.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top