15 января в городском Доме культуры состоится праздничное мероприятие, посвященное Дню образования Жабинковского района и открытию Года культуры

_DSC8609 IMG_6862 - копия IMG_6760 IMG_9035 IMG_3441_DSC3339Жабінкаўскаму раёну —76!

15 января, в пятницу, в 15.30 в городском Доме культуры
состоится праздничное мероприятие,
посвященное Дню образования Жабинковского района
и открытию Года культуры.
В программе – концерт, выставка народного творчества.
Приглашаем на праздник!

 

Паважаныя жыхары горада і раёна!

Прыміце шчырыя віншаванні з нашым агульным
святам – днём утварэння Жабінкаўскага раёна!

Наша гісторыя багата знамянальнымі падзеямі і таленавітымі людзьмі. Свой адлік яна бярэ ў 1940-ым годзе, калі быў прыняты Указ Прэзідыума Вярхоўнага Савета БССР аб утварэнні 109-ці раёнаў заходніх абласцей Беларусі, у тым ліку і Жабінкаўскага. У той час у яго склад уваходзіў 101 населены пункт з дзевяццю сельскімі Саветамі. Першыя гады самастойнага жыцця былі адзначаны і стварэннем першых калгасаў, МТС, будаўніцтвам Днепра-Бугскага канала, закупкамі сельскагаспадарчай прадукцыі ў сялян для бесперапыннага забеспячэння Чырвонай Арміі і іншымі падзеямі.
Але мірнае жыццё жыхароў раёна было спынена страшнай крывавай вайной. Тады на барацьбу з ворагам падняліся шмат працаўнікоў Жабінкаўшчыны: на франтах Вялікай Айчыннай змагаліся больш за дзве тысячы нашых землякоў.
21 ліпеня 1944 года Савецкія войскі завяршылі вызваленне раёна ад нямецка-фашысцкіх захопнікаў, а жыхары Жабінкаўскага раёна пачалі аднаўляць народную гаспадарку. За пасляваенныя гады была рэалізавана вялікая праграма капітальнага і жыллёвага будаўніцтва, завяршыўся пераход да ўсеагульнай васьмігадовай адукацыі, створана шырокая сетка культурна-асветніцкіх і медыцынскіх устаноў.
Аглядаючыся на гістарычны шлях, які прайшоў раён за 76 гадоў, прыемна адзначыць, што ўсяго некалькі дзясяткаў гадоў спатрэбілася жабінкаўцам, каб ператварыць яго ў высокаразвіты аграрна-прамысловы раён Брэстчыны!

Дарагія сябры!

У гэты святочны дзень выказваем словы прызнанасці і падзякі тым, хто ўнёс пасільны ўклад у станаўленне, развіццё і росквіт Жабінкаўшчыны. Нам ёсць чым ганарыцца: стабільна развіваецца прамысловасць, будаўніцтва, мадэрнізуецца сельскагаспадарчая вытворчасць, мяняецца воблік горада і сельскіх населеных пунктаў. На новы ўзровень пастаўлена і аказанне паслуг, прымнажаецца духоўная спадчына грамадства. Усё гэта – вынік вялікай напружанай працы жыхароў нашага раёна.
Вялікая ўдзячнасць усім сучаснікам за добрасумленную працу і жаданне зрабіць родную зямлю яшчэ прыгажэйшай і багацейшай. Не збяднела яна на працавітых і таленавітых людзей. Нізкі паклон ветэранам Вялікай Айчыннай вайны, якія адстаялі нашу свабоду, ветэранам працы, якія ўзнімалі з руін народную гаспадарку.
Жадаем усім моцнага здароўя, дабрабыту, міру і шчасця, новых творчых поспехаў і дасягненняў на карысць раёна і яго жыхароў! Са святам, дарагія жабінкаўцы!
Раённы выканаўчы камітэт. Раённы Савет дэпутатаў.

Popularity: 1%

Оставить комментарий

Ваш электронный адрес не будет опубликован.


*