Пераможцы акцыі “На крок апярэджвайце выпадак!”

Пераможцы акцыі “На крок апярэджвайце выпадак!”

ПОДАРОК

На хвалях радыёстанцыі “Радыё Брэст 104.8 FM” падведзены вынікі месячніка па бяспецы дарожнага руху “На крок апярэджвайце выпадак!”. Праводзіўся ён на тэрыторыі Брэсцкай вобласці Дзяржаўтаінспекцыяй сумесна з ЗАСТ “Белнафтастрах”.

У Жабінцы акцыя прайшла 12 кастрычніка. У ёй прынялі ўдзел 85 вадзіцеляў, 30 з якіх страхуюць сваё аўто ў ЗАСТ “Белнафтастрах”.

У прамым эфіры перадачы “Без трывогі на дарозе” адбыўся розыгрыш галоўнага прыза — набору з сумкі-халадзільніка, тэрмаса і пледа, які дзякуючы “чароўнай” руцэ радыёвядучай Таццяны Холадавай дастаўся ўдзельніцы анкетавання, жыхарцы з Івацэвічаў Алене Папека. Дадатковы прыз ад ЗАСТ “Белнафтастрах” — сумку-халадзільнік, тэрмакубак і плед — атрымаў берасцеец Андрэй — слухач “Радыё Брэст”, які правільна адказаў на пытанне аб абавязковым страхаванні, зададзенае начальнікам цэнтра страхавых паслуг «Белнафтастраху» Святланай Паўленка ў пачатку перадачы.

На жаль, жабінкаўцам удача ў акцыі не пасміхнулася. Але гэта не галоўнае. Няхай шчасціць нашым землякам-кіроўцам на дарогах.

Наталля ВАЛОШКА.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top