Ёсць у раёне, на жаль, значная колькасць даўжнікоў, што не плацяць за жыллёва-камунальныя паслугі. Такіх грамадзян налічваецца каля трох соцень і, што вельмі непрыемна адзначыць, большасць з іх людзі, якім не споўнілася яшчэ і трыццаці гадоў. Як правіла, ім дастаецца арэнднае жыллё, аднак выдаткоўваць грошы за пражыванне гэтыя асобы не заўсёды спяшаюцца. Вось і копяцца даўгі, а з імі і адказнасць. Прычым сумы ў некаторых даўжнікоў дасягаюць ужо некалькіх тысяч рублёў, што можа стаць падставаю для высялення.
У выніку Жабінкаўская ЖКГ прад’яўляе выканаўчыя дакументы на такіх гора-жыльцоў у раённы аддзел прымусовага выканання. Гэткім чынам судовыя выканаўцы звяртаюць спагнанне на маёмасць, арыштоўваюць рахункі, абмяжоўваюць нядобрасумленных неплацельшчыкаў у карыстанні сотавай сувяззю, у выездзе за мяжу або кіраванні транспартнымі сродкамі.
Поделиться ссылкой:
Popularity: 1%
