Робім землі больш урадлівымі

Робім землі больш урадлівымі

_DSC9524На Жабінкаўшчыне асушаных земляў 23 тысячы гектараў, што амаль трэць раёна. Дзе былі забалочаныя мясціны, цяпер знаходзяцца ўрадлівыя палі, пабудавалі 110 кіламетраў дарог, 10 мастоў, 14 шлюзаў і звыш 800 труб-рэгулятараў і труб-пераходаў. З 1991 года наша арганізацыя не _DSC9614_DSC9575займаецца асушэннем іх, а толькі ўтрыманнем тых меліярацыйных сістэм, якія ёсць, рамонтам і рэканструкцыяй. Меліярацыя, насуперак масавым меркаванням — гэта не толькі асушэнне балот, арашэнне глебаў, але й паляпшэнне іх стану. Наша задача — зрабіць іх больш урадлівымі, карыснымі.
Сёння калектыў ПМК-19 працуе над рэалізацыяй дзвюх важнейшых праграм. Першая — “Захаванне і выкарыстанне меліяраваных земляў на 2011-2015 гг.”. На яе правядзенне з рэспубліканскага і абласнога бюджэтаў выдаткавана па 6 мільярдаў рублёў на правядзенне рэканструкцыі, рамонт і тэхнічны догляд і аграмеліярацыйныя мерапрыемствы. Так, зараз займаемся рэканструкцыяй меліярацыйных зямель “Чорны Роў” у СВК “Рагазнянскі” і ПУАП “Азяты” на двух участках па 130 гектараў, на адным з якіх работы ўжо завершаны. Застаўся вялікі аб’ём работ ва ўрочышчы “Рыкавічы”. Астатнія 6 мільярдаў рублёў па гэтай праграме выдаткаваны на рэканструкцыю арашаемых зямель у РЗЦ “Заходні”, таксама ў Брэсцкім і Пружанскім раёнах.
Другая дзяржаўная праграма накіравана на будаўніцтва ачышчальных збудаванняў у Камянцы. Кошт гэтага аб’екта — звыш 60 мільярдаў рублёў. На бягучы год з абласнога бюджэту выдаткавана каля 10 мільярдаў, са сродкаў Еўрасаюза 2 мільёны еўра. Паводле гэтай праграмы працуем на аб’ектах свабоднай эканамічнай зоны (Брэст), вядзем добраўпарадкаванне і будаўніцтва сетак каналізацыі.
Сёлета выканалі падрадных работ на 17 мільярдаў 300 мільёнаў рублёў. Тэмп росту ў параўнанні з мінулым годам складае 158%, а прадукцыйнасць працы — 35 мільёнаў рублёў на аднаго працаўніка. Пакуль справы ідуць нядрэнна. Паступова расце заработная плата. За 4 месяцы бягучага года яна ў арганізацыі склала 6 мільёнаў 224 тысячы рублёў. Трэці год запар “Жабінкаўская ПМК-19” лідзіруе сярод філіялаў “Брэстводбуд” і пераходны сцяг застаецца ў нас.
У калектыве 110 чалавек. Гэта адукаваныя, высокапрафесійныя спецыялісты. Ёсць і свае “ветэраны”, якія аддалі калоне да 40 і звыш гадоў плённай працы. Гэта інжынер Мікалай Міхайлавіч Манчук, слесары Анатоль Іванавіч Ігнацюк і Анатоль Уладзіміравіч Сідарук, токар Аляксандр Іосіфавіч Асінскі, трактарыст Сяргей Васільевіч Барысюк, вадзіцелі Аляксей Мацвеевіч Буснюк, Аляксандр Іванавіч Янкавец, Аляксандр Васільевіч Ніпарка і Сяргей Сяргеевіч Яцэвіч; заўжды выконваюць добрасумленна і якасна даручаную справу машыністы аднакаўшовых экскаватараў Андрэй Анатольевіч Фаміч, Кліменцій Кірылавіч Аляксюк. За апошнія два гады на 90% абнавілі тэхніку (бульдозеры, экскаватары, сродкі малой механізацыі). Таму калектыў можа вырашаць задачы любой ступені складанасці, бо ёсць найноўшая тэхніка, высокакваліфікаваныя кадры, аб’ёмы работы і перспектывы на будучыню.
Напярэдадні прафе-сійнага свята хочацца пажадаць усім нашым работнікам і ветэранам вытворчасці моцнага здароўя, дабрабыту, радасці, сямейнага шчасця, адданасці выбранай справе на карысць росквіту меліярацыйнай галіны і ў цэлым нашай краіны, толькі прыемных навінаў.
Пётр ВАЙНОЎСКІ, начальнік Жабінкаўскай ПМК-19.

На здымках: В.В.Міхневіч, А.І.Ігнацюк, В.Р.Жоўклы.

Фота Святланы КІСЛАЙ.

Поделиться ссылкой:

Popularity: 1%

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Top