“Іл-2” паўстаў на Кургане Славы

Анатоль БЕНЗЯРУК.

Курган Славы — святое месца для Беларусі, памятка пра мужнасць герояў Вялікай Айчыннай. Напрыканцы жніўня намаганнямі айчынных прафсаюзаў тут паўстаў на пастамент легендарны штурмавік “Іл-2”.

ЦЫРЫМОНІЯ АДБЫЛАСЯ роўна праз 75 гадоў, як завяршылася аперацыя “Баграціён”. Тая самая, што прывяла да вызвалення нашай зямлі ад варожай навалы.
З гэтай прычыны 29 жніў-ня і ладзіўся ўрачысты цырыманіял. Нагадаем, добраўпарадкаваннем і рэканструкцыяй Кургана Славы прафсаюзы займаюцца вось ужо 15 гадоў. Сёлета — адзін з найбольш запамінальных і яркіх крокаў у гэтай справе.
З ініцыятывай папоўніць экспазіцыю баявой тэхнікі пад адкрытым небам менавіта гераічным “лятаючым танкам” выступіла Федэрацыя прафсаюзаў Беларусі. Па ўсёй краіне на высакародную справу выдаткоўваліся дабрачынныя сродкі (да слова, не заставаліся ўбаку і прафсаюзныя арганізацыі Жабінкаўшчыны).
Работу па пошуку, рэстаўрацыі і ўстаноўцы штурмавіка каля падножжа Кургана Славы сябры Федэрацыі вялі больш за паўгода. З удзелам маладых архітэктараў была распрацавана ўнікальная канструкцыя стэлы, з якой павінен быў “узлятаць” “Іл”, уладкавана арыгінальная сістэма асвятлення, каб самалёт выглядаў яшчэ больш выразна. Асноўныя фрагменты баявой машыны адшукаліся ў Ленінградскай вобласці, асобныя часткі — пад Ржэвам, дзе ў вайну ішлі шматлікія крывавыя баі з удзелам “Ілаў”. Ёсць і дэталі, зной-дзеныя на беларускай зямлі, пад Віцебскам. (Удзел штурмавікоў у вызваленні нашай краіны цяжка пераацаніць і праз дзесяцігоддзі).
У дзень адкрыцця помніка ў мемарыяльны комплекс, размешчаны паблізу сталіцы, завіталі старшыня ФПБ Міхаіл Орда, міністр працы і сацыяльнай абароны Ірына Касцевіч, міністр унутраных спраў Юрый Караеў, лідары грамадскіх арганізацый.
Як толькі ўпала сім-валічная заслона, перад гасцямі свята паўстаў велічны “Іл-2”, якому цяпер суджана высока ўзносіцца над чарадой баявых танкаў. З асаблівым адчуваннем успрыняў гэты трапяткі момант сын ваеннага лётчыка, двойчы Героя Савецкага Саюза Леаніда Бяды, названы ў гонар бацькі таксама Леанідам. Калі была абвешчана хвіліна маўчання, нібыта ў памятныя агнявыя гады, першымі падняліся ветэраны Вялікай Айчыннай, якіх, на жаль, застаецца ўсё менш сярод нас.
Пасля канцэртнай праграмы, названай сімвалічна “Крылы Перамогі”, да п’едэстала ляглі кветкі. Адкрыццё помніка з легендарным самалётам “Іл-2” стала адным з завяршальных мерапрыемстваў, прымеркаваных да 75-годдзя вызвалення Беларусі. І адначасова яно дало старт святкаванню юбілею Вялікай Перамогі. Паколькі менавіта поспех аперацыі “Баграціён” даў магчымасць Чырвонай Арміі пачаць пераможны шлях па краінах Заходняй Еўропы. А скончыўся ён, як вядома, безагаворачнай капітуляцыяй ворага ды пераможным чырвоным сцягам, узнятым над Рэйхстагам.
На здымку: месца вакол штурмавіка “Іл-2” стала 29 жніўня пляцоўкай для канцэрт-най праграмы “Крылы Перамогі”.

Popularity: 1%

Самае выдатнае пачуццё на Зямлі — шчырае каханне — натхніла Дзмітрыя Ракача і Вікторыю Берднік на стварэнне новай сям’і. Маладыя людзі ў мінулыя выхадныя ў Жабінкаўскім загсе пад гукі вясельнага марша абмяняліся заручальнымі пярсцёнкамі. Няхай згода, каханне, цярпенне, павага і дабрабыт пануюць у новай сям’і! Няхай ваш сямейны агонь гарыць доўга і ярка, а кожны дзень напаўняецца радасцю, шчасцем і захапленнем адзін адным, у адносінах назаўжды застануцца вернасць і паразуменне, а ў сумесным жыцці не будзе месца сваркам і крыўдам! Горка!

Popularity: 1%

Не крадзі ў сябе

У народзе даўно ўжо прызнана: калі крадзеш там, дзе працуеш, — гэта ўсё адно, што абкрадваеш сам сябе. Тым не менш, некаторыя людзі гатовы сцягнуць з роднага прадпрыемства ўсё, што толькі змогуць. Вось адзін прыклад.
Была пятніца, канец рабочага тыдня. Нашы героі Віталь Д. ды Дзмітрый Б. працавалі на камбікормавым заводзе. Хлопцы рашылі адзначыць выхадныя, што набліжаліся. Сабраліся ў знаёмага Уладзіміра К. Калі яны прыйшлі да Валодзі, гаспадара дома яшчэ не было. Вырашылі, мабыць, чаго час дарэмна марнаваць? Ды і пачалі распіваць прынесенае спіртное.
Прымаючы чарговую порцыю напою, Дзмітрый паведаміў, што ў двары завода ён бачыў шмат мяхоў. Калі ў іх камбікорм, дык можна ж добра пажывіцца… Не, Віталь не адмахнуўся ад гэтай спакуслівай задумы прыяцеля, наадварот цалкам быў згодны далучыцца да “камбікормавай справы”. Таму ў хуткім часе сябрукі рушылі, так бы мовіць, на “промысел”.
Пад навесам каля дэпо ААТ “Жабінкаўскі камбікормавы завод” сапраўды ляжала шмат мяшкоў. Удзельнікі “рэю” абачліва пераканаліся, што ў іх камбікорм, ды сталі пераносіць іх бліжэй да варотаў. Пакуль шчыравалі-працавалі (калі гэта працай назавеш!), раптам заўважылі: па заводскай тэрыторыі ходзіць супрацоўнік міліцыі. Сустрэча з чалавекам у пагонах у іх планы зусім не ўваходзіла, і хлопцы, перабраўшыся цераз вароты, пакінулі заводскі двор, каб дачакацца, калі той пойдзе, і зноў узяцца за крымінальную справу.
Дапілі астатняе спіртное. Апоўначы, прыхапіўшы Валодзеў веласіпед, пайшлі перавозіць падрыхтаваныя мяхі. Гора-сябрукі не ведалі, што не толькі яны заўважылі міліцыянера, але і іх прыкмецілі, і цяпер у засадзе чакалі, каб затрымаць злодзеяў на месцы злачынства.
Хлопцы зрабілі ўжо пяць паездак да двара Уладзіміра К., дзе яны пакідалі прывезеныя мяшкі, калі праваахоўнікі вырашылі іх затрымаць. Як потым падлічылі, зламыснікі паспелі прынесці роднаму прадпрыемству стратаў амаль на 960 рублёў, ды вось пакарыстацца нарабаваным не змаглі…
Віталь і Дзмітрый селі на лаву падсудных. Пры назначэнні пакарання ўлічваліся акалічнасці справы і асобы абвінавачваемых: чыстасардэчнае раскаянне ў здзейсненым, станоўчыя характарыстыкі з месца працы. Тым больш абодва яны да крымінальнай адказнасці прыцягваліся ўпершыню, маюць пастаяннае месца работы. Суд прыйшоў да высновы, што мэты крымінальнай адказнасці могуць быць дасягнуты без ізаляцыі вінаватых ад грамадства пры назначэнні ім пакарання ў выглядзе выпраўленчых работ.
На аснове часткі 2 артыкула 205 Крымінальнага кодэкса Рэспублікі Беларусь раённы суд назначыў Віталю Д. і Дзмітрыю Б. пакаранне ў выглядзе выпраўленчых работ на тэрмін у два гады з утрыманнем 20 % заробку на карысць дзяржавы.
Віктар НОВІК, старшыня суда Жабінкаўскага раёна.

Popularity: 1%

Футбольная семья

На городском стадионе в Жабинке состоялся фестиваль массового футбола «Папа, мама, я — футбольная семья». Главным организатором фестиваля выступило Молодёжное общественное объединение «Любительский футбольный клуб Росток». При поддержке Белорусской федерации футбола, Жабинковского райисполкома, а также при участии организации «Юнисеф» и пиццерии «Пицца Итальяна Жабинка» получилось организовать замечательный спортивный праздник для более чем тридцати семей. Никто не остался без подарков и призов. А три семьи, занявшие призовые места, получили право участия в республиканском финале фестиваля, который пройдёт в столице на национальном стадионе «Динамо» 14 сентября. Фестиваль стал хорошим завершением лета и настоящим спортивным событием для нашего города.
Юрий БЕЛЕЦКИЙ, председатель МОО «Любительский футбольный клуб Росток».

 

 

Семья Лищенко, занявшая первое место.

Popularity: 1%

Внимание самозанятым лицам!

С 31.12.2018 физические лица, осуществляющие деятельность, не относящуюся к предпринимательской (самозанятые лица), получили право на добровольной основе участвовать в обеспечении своего пенсионного будущего.
Для того, чтобы периоды работы в качестве самозанятого лица были включены в стаж работы для назначения пенсии, необходимо уплачивать обязательные страховые взносы в Фонд социальной защиты населения Министерства труда и социальной защиты Республики Беларусь.
При изъявлении желания быть социально застрахованным самозанятому лицу необходимо стать на учёт в качестве плательщика взносов в районном отделе (секторе) Фонда по месту регистрации.
Для этого необходимо:
Заполнить в районном отделе Фонда заявление о постановке на учёт, предъявив документ, удостоверяющий личность;
Представить документ, подтверждающий уплату налога за осуществление деятельности.
Самозанятые лица уплачивают взносы со дня постановки их на учёт за те периоды, в которых осуществляли свою деятельность. При этом периоды осуществления деятельности и суммы уплаченных взносов обязательно следует отразить в документах персонифицированного учёта по форме ПУ-3.
Сумма взносов составляет 29 % от определяемого дохода, но не менее 29 % от установленной минимальной заработной платы по республике.
В частности, за май 2019 года минимальная сумма взносов для самозанятых лиц составила 95,70 рубля (330,00 руб. * 29 %).
Уплата взносов за 2019 год осуществляется
в течение 2019-го,
но не позднее 1 марта 2020 года.
Документы персонифицированного учёта по форме ПУ-3 необходимо представить в органы Фонда не позднее 31 марта 2020 года.
Телефон для справок: 2-23-17.

Жабинковский райгоротдел Брестского областного управления Фонда социальной защиты населения.

Popularity: 1%

“Мой ураджай!”

Свет наш прыгожы. У аматара фотасправы рука так і цягнецца, каб пакінуць на памяць непаўторныя цудоўныя імгненні. А колькі магчымасцяў дае шчодрая восень!
Разумеючы гэта, рэспубліканская прафсаюзная газета “Беларускі Час” і афіцыйны інтэрнэт-партал ФПБ 1prof.by, заклікаюць прыхільнікаў “ціхага палявання” прыняць удзел у конкурсе “Мой ураджай!”.
Падрабязней з правіламі фотаспаборніцтва можна азнаёміцца непасрэдна на партале. Цяпер жа скажам, што паўдзельнічаць можа кожны, каму споўнілася 18 гадоў. Патрабаванні да здымка: фармат — JPEG ад 2 МБ, памер — 1800*1200, дазвол — не менш 72 dpi, тэматыка — фота агародніны ці фруктаў з іх уладальнікам або членамі яго сям’і, здымак павінен адпавядаць маральна-этычным нормам. УВАГА: ад кожнага ўдзельніка і з адной электроннай скрыні прымаецца толькі адно фота. Пашукайце ў сваіх “засеках”, майстры фотасесій, тое самае-самае, што можа прынесці вам перамогу! А калі вызначыліся са здымкам — дасылайце яго на адрас
1profmarketing@gmail.com (з пазнакаю “На конкурс”).
Не забудзьцеся таксама пра суправаджальны ліст. У ім АБАВЯЗКОВА ўкажыце наступную інфармацыю: прозвішча, імя, імя па бацьку аўтара, яго кантактны тэлефон, месца жыхарства; хто змешчаны на здымку (імя і прозвішча ўдзельніка фота); месца, дзе зроблены здымак.
Конкурсныя работы прымаюцца да 23 гадзін 59 хвілін 24 верасня і размяшчаюцца на партале 1prof.by. Пераможца вызначаецца шляхам адкрытага інтэрнэт-галасавання 25 верасня — 1 кастрычніка на старонцы партала, уваход на якую ажыццяўляецца праз рэкламны банер на галоўнай старонцы. У карыстальніка будзе магчымасць ацаніць адзін з фотаздымкаў, клікнуўшы на яго парадкавы нумар. Найлепшым сярод канкурсантаў патрабавальная камісія прызнае таго, чыя работа набярэ максімальную колькасць галасоў. Вынікі будуць апублікаваныя на партале 1prof.by 3 кастрычніка, а на наступны дзень — у газеце “Беларускі Час”. Удзельнічайце ў конкурсе і інтэрнэт-галасаванні, цікаўцеся прафсаюзным жыццём, далучаючыся да кола сяброў-чытачоў “Беларускага Часу” і прафсаюзнага партала!
Анатоль РОСТАЎ.

Popularity: 1%

Пачалася сяўба азімых

На мінулым тыдні ў Беларусі пачалася масавая сяўба азімых збожжавых. Паводле дадзеных Міністэрства сельскай гаспадаркі і харчавання на 4 верасня, азімыя збожжавыя пасеяны на 68,5 тыс. га, што складае 5,07 працэнта да плана. У цэлым у бягучым годзе азімыя збожжавыя зоймуць 1 352,3 тыс. га сельгасплошчаў. Сяўба ўжо ідзе ва ўсіх абласцях Беларусі: у Магілёўскай засеяна 10,5 працэнта плошчаў, Віцебскай — 9,27 працэнта, Мінскай — 3,7 працэнта, Гродзенскай — 3,37 працэнта, Брэсцкай — 3,15 працэнта, Гомельскай вобласці — 1,81 працэнта. Прадаўжаецца падрыхтоўка глебы пад сяўбу азімых збожжавых: падрыхтавана ўжо 530,4 тыс. га (39,2 працэнта плана). Згодна з рабочым планам правядзення асенніх палявых работ у сельскагаспадарчых арганізацыях Беларусі ў 2019 годзе, зацверджаным Мінсельгасхарчам, сяўбу азімых збожжавых плануецца завяршыць 2 кастрычніка.
БелТА.

Popularity: 1%