Жыхары і госці Сцяпанак развітваліся з летам весела, пазнавальна і смачна, таму што адзначалі важкі юбілей аграгарадка — яму споўнілася 430 гадоў.
Падрабязней матэрыял Дар’і НІКАНЧУК чытайце на старонках газеты «СП».
Фота аўтара.
Popularity: 1%
Жыхары і госці Сцяпанак развітваліся з летам весела, пазнавальна і смачна, таму што адзначалі важкі юбілей аграгарадка — яму споўнілася 430 гадоў.
Падрабязней матэрыял Дар’і НІКАНЧУК чытайце на старонках газеты «СП».
Фота аўтара.
Popularity: 1%
Алёна НІКАНЧУК.
Фота аўтара.
Напярэдадні новага навучальнага года прадпрыемствы і арганізацыі Жабінкаўшчыны, грамадскія аб’яднанні, а таксама жыхары раёна прынялі ўдзел у рэспубліканскай дабрачыннай акцыі “У школу з “Добрым Сэрцам!”, падчас якой наведалі шматдзетныя, малазабяспечаныя сем’і, тыя, што апынуліся ў цяжкай жыццёвай сітуацыі, і ўручылі дзецям-школьнікам канцылярскія прылады. Так, у мінулую пятніцу, 30 жніўня, супрацоўнікі Жабінкаўскага РАНС — першы намеснік начальніка аддзела Андрэй Харламянкоў, спецыяліст сектара прапаганды і ўзаемадзеяння з грамадскасцю Ганна Усцьянчык ра-зам з выконваючым абавязкі першага сакратара РК ГА “БРСМ” Яўгенам Мацюшыным і старшынёй Маладзёжнага парламента Лідзіяй Лінік наведалі сем’і Кавальчукоў-Астапукоў са Стрыганца і Кікаўскіх з Ракітніцы.
Ад раённага аддзела па надзвычайных сітуацыях дзеці атрымалі рукзакі, наборы першакласніка, пропісы, сшыткі, ручкі, пеналы, вокладкі, пластылін, тэматычныя пазлы, размалёўкі. Бацькам супрацоўнікі ўручылі кніжкі-памяткі “Бяспечнае дзяцінства”. Яны падкажуць дарослым, як навучыць дзяцей бяспечным паводзінам на дарозе і лёдзе, на прыродзе і вуліцы, у побыце і іншых месцах.
Яўген Мацюшын і Лідзія Лінік уручылі неабходныя школьныя прылады, набытыя на сродкі, што сабралі работнікі суда Жабінкаўскага раёна, аддзела Дэпартамента аховы, РАУС, валанцёры БРСМ.
Падарункі сталі прыемнай нечаканасцю для дзяцей. Яны спатрэбяцца ў школе і дапамогуць у вучобе.
Popularity: 1%
Наталля ВАЛОШКА.
Напрыканцы жніўня грамадскае аб’яднанне “Беларускі саюз жанчын” правяло дабрачынную акцыю “Збяром партфель разам”, арганізаваную дзеля падтрымкі дзяцей, што засталіся без апекі бацькоў, дзяцей-інвалідаў, шматдзетных і малазабяспечаных сем’яў.
У рамках акцыі прадстаўнікі раённай арганізацыі “Беларускага саюза жанчын” наведалі шматдзетную і дружную сям’ю Збайчаковых з вёскі Старое Сяло, Кірылюкоў з Буснёў, сям’ю Лапко з Чыжэўшчыны, Лабаставых і Міхневічаў з Жабінкі. Не абышлі ўвагай і дом сямейнага тыпу, дзе сямёра дзетак выхоўваюць Віктар і Алена Янушы. Маленькім школьнікам у гэтых сем’ях уручаны рукзакі, наборы канцы-лярскіх прылад, якія несумненна спатрэбяцца ім падчас вучобы. Прыемна было бачыць у вачах хлапчукоў і дзяўчынак непадробную радасць, бо якое ж дзіця не любіць падарункі?
У дабрачыннай справе самы актыўны ўдзел прынялі індывідуальныя прадпрымальнікі раёна Васіль Селязнёў, Андрэй Леснічук, Аляксандр Леванюк. Гэта не толькі паспяховыя бізнесмены, але, у першую чаргу, людзі з чулымі сэрцамі. Таксама падтрымалі ініцыятараў акцыі ПГУП “Палсан-сэрвіс”, ТАА “Рэнарт Компані” (“Піца Італьяна”), упраўленне па рабоце з плацельшчыкамі па Жабінкаўскім раёне ІМПЗ па Брэсцкім раёне, рэдакцыя раённай газеты “Сельская праўда”, Ірына Карабан і многія іншыя неабыякавыя жабінкаўцы.
Кіраўнік раённай арганізацыі “Беларускага саюза жанчын” Марыя Сянішына выказвае шчырую падзяку ўсім, хто далучыўся да карыснай і патрэбнай справы і паўдзельнічаў у акцыі. Асобны дзякуй за актыўнасць і дапамогу старшыні пярвічнай арганізацыі ўпраўлення па рабоце з плацельшчыкамі па Жабінкаўскім раёне ІМПЗ па Брэсцкім раёне Наталлі Храмцовай, а таксама старшыням Ленінскага сельвыканкама Мікалаю Лугаўскому і Азяцкага сельвыканкама Ларысе Харс.
Навучальны год пачаўся з падарункаў, і няхай ён дорыць дзецям радасць кожны дзень.
Popularity: 1%
Малярыя — гэта паразітарнае захворванне, якое характарызуецца перыядычнымі прыступамі ліхаманкі, павелічэннем печані, селязёнкі, анеміяй. Ад дадзенай інфекцыі штогод паміраюць звыш аднаго мільёна людзей. 90 працэнтаў выпадкаў малярыі рэгіструецца ў Афрыцы, астатнія 10 — у Індыі, Бразіліі, Шры-Ланцы, В’етнаме, Калумбіі. Нягледзячы на тое, што гэта пераважна трапічная інфекцыя, у Беларусі маюцца ўмовы для яе распаўсюджвання. У большасці выпадкаў малярыя перадаецца праз укусы інфіцыраваных самак малярыйных камароў, а таксама праз заражаную кроў ад паразітаносьбітаў пры пераліванні і шпрыцавых ін’екцыях. Пры любых бытавых кантактах з хворым чалавекам заразіцца нельга.
Вядомы чатыры формы малярыі: трапічная, трохдзённая, чатырохдзённая і авале-малярыя (узбуджальнік мае авальную форму). Найбольш цяжкая — трапічная.
Многія людзі, якія пабывалі ў “малярыйных” краінах і захварэлі на яе, бывае доўгі час і не здагадваюцца пра гэта. У некаторых хворых могуць паяўляцца прадвеснікі захворвання: недамаганне, патлівасць, няўстойлівы стул, павышэнне тэмпературы да 38 на працягу 2-3 дзён. У большасці выпадкаў малярыя пачынаецца раптоўна і працякае цяжка. Пасля скрытага перыяду (у сярэднім сем дзён) хвароба пачынае прагрэсаваць. Для малярыі характэрна прыступападобнае цячэнне. У захварэўшага чалавека пачынаюцца прыступы, якія складаюцца з трох фаз. У першай — моцныя дрыжыкі. У другой — гарачка, рэзка павышаецца тэмпература, якая суправаджаецца моцным галаўным болем, болем у мышцах, суставах, млоснасцю, рвотай. У трэцяй фазе прыступ заканчваецца моцным потааддзяленнем і падзеннем тэмпературы. Такія прыступы могуць быць штодзённымі або праз 2-3 дні. У перыяд паміж імі хворы адчувае сябе даволі добра. На фоне прыступаў павялічваюцца селязёнка, печань, развіваецца анемія, пакутуюць усе сістэмы арганізма: сардэчна-сасудзістая, нервовая, мочапалавая, кроветворная.
Для лячэння малярыі выкарыстоўваюць розныя прэпараты, якія могуць папярэ-джваць яе прыступы, хутка купіраваць сімптомы прыступу, які пачаўся, ці поўнасцю ліквідаваць узбуджальніка.
Для прафілактыкі неабходна пазбягаць укусаў камароў (выкарыстоўваць рэпеленты, ахоўныя сеткі для вокан і дзвярэй). Таму, хто накіроўваецца ў нядобранадзейныя па малярыі краіны, неабходна звярнуцца да ўрача-інфекцыяніста і паводле яго назначэння прымаць супрацьмалярыйныя лекавыя прэпараты.
Аляксандра ЖАГАЛЬСКАЯ, урач-інфекцыяніст Жабінкаўскай ЦРБ.
Popularity: 1%