Збожжа з поля не крадзі

i (1)

На Жабінкаўшчыне актыўна набірае ход чарговае жніво. На жаль, з году ў год яно не абыходзіцца без розных правапарушэнняў: правілаў перавозкі грузаў, дарожнага руху, а таксама крадзяжоў паліва і збожжа. Выкананне працоўнай і транспартнай дысцыпліны і іншыя пытанні ўзяты пад асабісты кантроль міліцыі. Рэйдавыя групы, у склад якіх увайшлі супрацоўнікі падраздзяленняў па барацьбе з эканамічнымі злачынствамі, міліцыі грамадскай бяспекі, ДАІ і іншых служб, ужо прыступілі да выканання пастаўленых задач.
Рэйдавыя групы будуць фіксаваць парушэнні з дапамогай фота- і відэатэхнікі, а самых нячыстых на руку злодзеяў прыцягнуць да адказнасці.
Дарэчы, за дробны крадзеж маёмасці можна атрымаць штраф ад 10 да 30 базавых велічыняў або адміністрацыйны арышт. А вось за крадзеж пакаранне больш сур’ёзнае: выпраўленчыя работы, штраф, арышт, абмежаванне або пазбаўленне волі да трох гадоў.
Яўген САМУСКЕВІЧ, намеснік начальніка Жабінкаўскага РАУС.

Popularity: 1%

Гора для Ягора. І крыўдзіцелям не лепш…

фемидаПадобныя думкі, мабыць, не раз прамільгнулі ў галаве Ягора Г., пакуль лупцавалі, здзекаваліся з яго Канстанцін Г. і Юрый Ж. Яшчэ напрыканцы мінулага года Ягор пазычыў у знаёмай 40 рублёў і паабяцаў аддаць, як толькі з’явяцца грошы.

Як аказалася, тая знаёмая была сужыцелькай Канстанціна Г.
Пакуль Ягор збіраўся аддаць доўг, Канстанцін сам завінаваціўся трэцяй асобе 60 рублёў. У пачатку гэтага ўжо года Ягору было прапанавана аддаць запазычанасць той трэцяй асобе, што мужчына нарэшце і зрабіў…
Хаця на дзень бойкі Ягор паспеў пагасіць свой доўг, але для п’яных мужыкоў, якія не адзін раз зведалі турэмныя нары і зараз увайшлі ў раж, гэта не мела ўжо значэння: яны патрабавалі 40 рублёў звыш. Білі і кулакамі, і нагамі, і нават… хатнімі прадметамі.
Як пасля падлічылі пры экспертызе, было нанесена не меней за 39 удараў, пацярпелы траціў прытомнасць. У такія хвіліны злачынцы сарвалі з рукі Ягора срэбны ланцужок. Аднак і ўсё гэта не задаволіла крыўдзіцеляў: у рэшце рэшт яны вяроўкай звязалі Ягору рукі і прымацавалі да ацяпляльнай батарэі…
Канстанцін Г. і Юрый Ж. прызнаны судом вінаватымі ў вымаганні маёмасці, здзейсненым групай па папярэдняй змове і з прымяненнем насілля, небяспечнага для здароўя пацярпелага, што падпадала пад частку 3 артыкула 208 Крымінальнага кодэкса Рэспублікі Беларусь. За гэта кожнаму было вынесена пакаранне ў выглядзе пазбаўлення волі на сем гадоў і шэсць месяцаў з канфіскацыяй маёмасці.
Апроч таго, Канстанціну Г. уводзіўся ў віну крадзеж маёмасці пацярпелага шляхам насілля, а таксама пры вынясенні прыгавору была далучана неадбытая частка пакарання, назначаная судом Жабінкаўскага раёна 21 студзеня 2017 года. Таму ў адпаведнасці з часткамі 1 і 6 артыкула 73 КК канчатковы прысуд Канстанціну Г. – пазбаўленне волі на дзевяць гадоў з адбыццём у выпраўленчай калоніі ва ўмовах строгага рэжыму і з канфіскацыяй маёмасці.
Юрыю Ж. уводзілася ў віну цынічнае, злоснае хуліганства ў адносінах да пацярпелага, а таксама рэкламаванне парнаграфічных матэрыялаў з увядзеннем у глабальную камп’ютарную персанальную сетку інтэрнэт.
Восенню і зімой 2016 года падсудны з дапамогай сусветнага сеціва з уласнага камп’ютара размясціў на асабістай старонцы “УКантакце” некалькі відэаролікаў. Ужо нават назвы гэтага бруднага “відэамастацтва” сведчылі пра змест матэрыялаў, што не адпавядалі чалавечай маралі. Паколькі парнаграфічныя “творы” былі выстаўлены для агульнага прагляду, іх маглі бачыць нават дзеці, што карыстаюцца сацыяльнымі сеткамі.
У адпаведнасці з часткамі 3 і 6 артыкула 72 Крымінальнага кодэкса краіны і па сукупнасці злачынстваў шляхам частковага складвання пакаранняў Юрыю Ж. канчаткова было назначана пазбаўленне волі на дзевяць гадоў з адбыццём пакарання ў выпраўленчай калоніі ва ўмовах строгага рэжыму і з канфіскацыяй маёмасці.
Акрамя таго, у адпаведнасці з часткай 6 артыкула 61 КК была праведзена спецыяльная канфіскацыя: у даход дзяржавы канфіскаваны Юраў мабільны тэлефон “Нокіа” з картай памяці і ўсім тым, што тая памяць утрымлівае.
Віктар НОВІК, старшыня суда Жабінкаўскага раёна.

Popularity: 1%

кхТры Яўгены-задзіры

Вы не ведаеце трох Яўгенаў з Ленінскага сельсавета? Высокія, стройныя, гадоў сямнаццаць-васямнаццаць. Сама сіла! Не ведаеце – то й не трэба! Ім слова супраць не кажы! Ледзь што не так – адмянташаць, і пабоі прыйдзецца здымаць… У ноч з 1 на 2 ліпеня ля транспартнага прыпынку ў аграгарадку Ленінскі хлопцы-задзіры пабілі Рамана М. і Мікіту А.,
якія не спадабаліся ім. Дасталося і аўтамашыне “Фальксваген Вента”, якая трапілася на шляху хуліганаў. Рамонт аўтамабіля абышоўся ў 150 рублёў, якія заплацяць, вядома ж, тыя, хто ўчыніў разбой. Бо на Яўгенаў Б., З. і М. узбуджана справа згодна з часткай 2 артыкула 339 Крымінальнага кодэкса Рэспублікі Беларусь. Давядзецца “тром багатырам” адказаць і за пабоі ўначы.

Плюс яшчэ адзін Яўген

Пра існаванне цёзак з Ленінскага Яўген Д. з Жабінкі мог, бадай што, толькі здагадвацца. У жабінкаўца сваё крэда: ён “спецыялізуецца” на крадзяжах таго, што, на яго думку, дрэнна ляжыць.
Напрыклад, перш чым нарэшце папасціся, жабінкаўскі Яўген тройчы выходзіў на “промысел” да памяшкання ДБУ-15, што месціцца на вуліцы Кароткіна ў райцэнтры. У першыя два разы са шкафчыкаў для рабочых сцягнуў рэмень ды красоўкі, а ў трэці – з аўтамабіля “Сітраен С5”, што быў прыпаркаваны паблізу, ФМ-мадулятар і флэш-карту. Усе крадзяжы склалі 93 рублі.
Кажуць, колькі вяровачку ні віць, канец будзе. Прыйшоў канец і Яўгенавым грабяжам. Знайшліся ўкрадзеныя рэчы, была ўзбуджана справа па частцы 2 артыкула 205 Крымінальнага кодэкса Рэспублікі Беларусь.

Прыпадобіўся Валера да зязюлі

Бедная птушка. Колькі разоў да яе “прымервалі” ўчынкі людзей, колькі называлі яе імем! І мы вымушаны расказаць пра такога гора-бацьку, які нечым прыпадобіўся да яе.
Яшчэ 20 верасня 2000 года суд Жабінкаўскага раёна абавязаў Валерыя С. выплачваць штомесячна Людміле Ф. на ўтрыманне малалетняй дачкі Ангеліны 25% з усіх відаў заработку. Так павінна было быць аж да дасягнення дачкою паўналецця.
Аднак ад уплаты аліментаў Валерый С. часта ўхіляўся і прыцягваўся да крымінальнай адказнасці. Адбываў пакаранне – і зноў плаціў толькі зрэдку. Напрыклад, з 13 сакавіка 2013-га і па 17 ліпеня 2017 года ягоная запазычанасць склала 36 месяцаў і 21 дзень. Бо Валерый С. наўмысна ўхіляўся ад выплаты сродкаў на ўтрыманне непаўналетняй дачкі, не рэагаваў на папярэджанне судовага выканаўцы аб працаўладкаванні, а значыць, не прыняў належных мер для выканання сваіх штомесячных абавязацельстваў. У адносінах да гора-бацькі ўзбуджана справа па частцы 3 артыкула 174 Крымінальнага кодэкса Рэспублікі Беларусь.

Імёны злодзеяў раскрые следства

У ліпені былі ўзбуджаны і ўзяты да вытворчасці тры крымінальныя справы па частцы 1 артыкула 205 Крымінальнага кодэкса (“Крадзеж”). У іх азначалася, што злачынствы здзейснены неўстаноўленымі асобамі.
У першым выпадку ў аграгарадку Ленінскі з пад’езда прапаў дарожны веласіпед “Аист” коштам 90 рублёў, а ў Дзяменічах невядомы скраў дрэваапрацоўчы станок, чым прынёс гаспадарам стратаў на 250 рублёў. Найбольш пацярпела фірма “Рытуал-Сэрвіс”, калі ў адну ноч з вытворчага памяшкання зніклі тры вуглашліфавальныя машынкі, усе замежнай вытворчасці, ды іншых розных інструментаў для шліфавання і распілоўвання шмат – усяго на суму 1080 рублёў.
Па гэтых эпізодах узбуджаны крымінальныя справы. Верыцца, што следчым удасца ўстанавіць імёны злачынцаў.
Андрэй ЛАГОТА, начальнік Жабінкаўскага РАУС; Юрый ЮРКЕВІЧ, начальнік раённага аддзела
Следчага камітэта Рэспублікі Беларусь.

Popularity: 1%

Дошка гонару

xlЛепшых вынікаў на ўборцы зерневых і зернебабовых культур на 4 жніўня 2017 года дасягнулі:
ААТ “Вазнясенскі” (старшыня Надзея Рыгораўна Кандрацюк, галоўны аграном Ларыса Іванаўна Марчук), дзе зерневыя і зернебабовыя ўбраны на плошчы 429 га (36,4 %), ураджайнасць 50,9 ц/га;
экіпаж камбайнераў у складзе Уладзіміра Уладзіміравіча Канцэвіча і Аляксандра Вітальевіча Здзерука з ААТ “Рагазнянскі”, якія камбайнам КЗС-10К убралі 229 га і намалацілі 868 т;
экіпаж камбайнераў у складзе Алега Анатольевіча Дзенісовіча і Аляксандра Мікалаевіча Леўчука з ААТ “Мацеевічы”, якія камбайнам КЗС-1218 убралі 209 га і намалацілі 754 т;
экіпаж камбайнераў у складзе Сяргея Уладзіміравіча Свіціча і Рамана Анатольевіча Лініка з ААТ “Жабінкаўскі”, якія камбайнам КЗС-1218 убралі 141 га і намалацілі 675 т;
вадзіцель Сцяпан Мікалаевіч Кандрацюк з ААТ “Вазнясенскі”, які аўтамабілем МАЗ-551605 перавёз 1265 т
збожжа;
вадзіцель Ігар Мікалаевіч Жэдзік з ААТ “Жабінкаўскі”, які аўтамабілем МАЗ-551605 перавёз 883 т збожжа;
вадзіцель Максім Мікалаевіч Кавальчык з ААТ “Мацеевічы”, які аўтамабілем МАЗ-555102 перавёз 814 т збожжа;
аператары зернеачышчальнага комплексу ЗСК-20 Васіль Іванавіч Пілінкевіч і Аляксей Аляксеевіч Садаўнічак з ААТ “Вазнясенскі”, якія дапрацавалі 300 т зерня.

Popularity: 1%

О выплате компенсаций бывшим советским военнопленным

 

banner_fuenfteilig
Согласно решения германского Бундестага от 21 мая 2015 г. производится выплата единовременного денежного пособия в размере 2500 евро бывшим в Германии советским военнопленным.
Право на получение выплат распространяется на военнослужащих Вооруженных Сил СССР, находившихся в период с 22 июня 1941 г. по 8 мая 1945 г. в германских лагерях военнопленных. Пособие выплачивается германской стороной на добровольной основе и адресуется непосредственно потерпевшим либо уполномоченным ими лицам.
Крайний срок подачи заявок на получение данного вида пособия истекает 30 сентября 2017 г.
Форма заявки представлена на сайте Федерального ведомства централизованных служб и нерешенных имущественных вопросов ФРГ (ВАDV) http://www.badv.bund.de/DE/Offene Vermoegensfragen/Anerkennungsleistung SowjetischeKriegsgefangene/russisch/start.html.

Светлана ТРОФИМЧУК, начальник отдела быта управления по труду, занятости и социальной защите Жабинковского РИК.

 

Popularity: 1%

С летним патрулём – безопасное плавание

2Дарья НИКОНЧУК.
С приходом лета многие жители нашего города стали участниками акции “Летний патруль”. Её организаторы – сотрудники МЧС и ОСВОД, а также представители БРСМ – еженедельно проводят необходимые мероприятия. В первый августовский день присоединиться к масштабной акции смогли отдыхающие на пляже озера Визжар.
– Мероприятия направлены на преду-преждение несчастных случаев на воде, что становится особенно актуальным в период летнего отдыха, – отмечает специалист группы пропаганды и взаимодействия с общественностью Жабинковского РОЧС Анна Устьянчик. – Так, в ходе акции производится патруль городских пляжей, во время которого посетитили зоны отдыха могут познакомиться с теоретическими основами проблемы и получить некоторые практические навыки.
Правила поведения на воде отдыхающим напомнили председатель Жабинковской районной организации ОСВОД Юрий Гапончик и матрос-спасатель Александр Рыбчинский. Сотрудники МЧС подготовили спасательные круги и жилеты, предоставив жителям возможность стать участниками спасательной операции. Молодёжный отряд охраны правопорядка под руководством первого секретаря Жабинковского РК ОО “БРСМ” Марии Сенишиной передал отдыхающим тематические буклеты и брошюры.
4– Подобные акции полезны и необходимы, – делится посетительница зоны отдыха Мария Прокопук. – Они способствуют приобретению бесценных знаний в простой и интересной форме, которая привлекает как взрослых, так и детей. Наличие такого опыта поможет не растеряться в опасной ситуации, а спасёт жизнь и предотвратит беду.
На фото: во время акции “Летний патруль” на озере  Визжар; Мария Прокопук с дочерью Верой.

Popularity: 1%

Летам – заробкі, восенню – урокі

ракитница брсм
 Дар’я НІКАНЧУК. Фота аўтара.
У гарачы час жніва сельгаспрадпрыемства “Ракітніца” на працягу многіх гадоў запрашае маладых жабінкаўцаў на працу. Для іх гэта выдатная магчымасць правесці з карысцю вольны час і падзарабіць на кішэнныя расходы. У хвіліны невялікага перадыху студатрадаўцы расказалі, як шчыруюць на зернетаку.

Юныя работнікі сустрэлі ў поўнай “баявой” гатоўнасці: працоўны дзень пачынаецца з васьмі раніцы. Другая змена прыступіць да працы ў 15 гадзін.
– Рупімся з ахвотай, таму і не стамляемся, – кажа Кацярына Сідарук. – На зернетаку я ўпершыню, але працоўныя сем гадзін праходзяць непрыкметна і не выклікаюць цяжкасцяў. Да таго ж мы маем час на абед і калі-нікалі выпадаюць хвілінкі для адпачынку.
Раман Курапата і Кірыл Чучко ў студатрадзе ўжо трэці раз. Маладыя людзі добра ведаюць усе нюансы працы на зернетаку, таму з задавальненнем гатовыя дапамагчы навічкам. Рапс, трыцікале, жыта хлопцы і дзяўчаты загружаюць у веялкі, сочаць, каб збожжа, якое паступае ў машыну, было размеркавана па ўсёй плошчы кузава, а таксама падтрымліваюць чысціню працоўнага месца – падмятаюць, прыбіраюць смецце.
Побач з маладым пакаленнем заўжды знаходзіцца прафесіянал, які падкажа і дапаможа. Кладаўшчык Ірына Лепская заўважыла, што студатрадаўцы ставяцца да сваіх абавязкаў вельмі адказна, шчыруюць з ахвотай, беражліва адносяцца да ўсіх інструментаў, з якімі даводзіцца працаваць.
– За змену мы адвеялі 32 тоны 900 кілаграм збожжа, – кажа Арцём Вірко. – Працуем добрасумленна і зладжана, таму што імкнемся не толькі падзарабіць, але і дапамагчы тым людзям, якія ўсё жыццё рупяцца на гэтым сельгаспрадпрыемстве. Я жыву ў Брэсце, але на канікулы прыязджаю да сваіх родных у Ракітніцу, дзе не сяджу без справы.
За кожную працоўную гадзіну налічваецца
1 рубель 38 капеек. Заробак маладыя работнікі атрымліваюць у канцы месяца. Уладкавацца на працу ў студатрад хлопцам і дзяўчатам дапамагае раённы камітэт ГА “БРСМ”. Жадаючыя падзарабіць могуць звярнуцца ў аб’яднанне за неабходнай інфармацыяй і адаслаць сваю анкету.
Пацікавілася, куды студатрадаўцы збіраюцца патраціць свой заробак. Тыя ў адзін голас адказалі: “На вучобу, каб ужо зараз быць больш самастойнымі і не заглядаць у бацькоўскі кашалёк”.

Popularity: 1%

Ёсць першая тысяча тон!

IMG_3871

Святлана БЯЛЯК.
Фота аўтара.
Жніво на Жабінкаўшчыне яшчэ не паспела дасягнуць экватара, як стаў вядомы першы герой-“тысячнік” уборачнай кампаніі. Ім у мінулы чацвер стаў вадзіцель МАЗа ААТ “Мацеевічы” Максім Кавальчык. Каб павіншаваць маладога чалавека і ўвесь калектыў рупліўцаў з гэтай прыемнай падзеяй, на поле прыехалі старшыня райвыканкама Дзмітрый Гарадзецкі, старшыні прафсаюзаў: раённага аб’яднання Ніна Калыбская і работнікаў АПК Наталля Карпук, першы сакратар РК ГА “БРСМ” Марыя Сянішына, а таксама народны тэатр гумару, гульні і песні “Хмелеўскія валацугі”.
Уручаючы Пісьмо падзякі райвыканкама і грашовую прэмію працаўніку хлебнай нівы, Дзмітрый Гарадзецкі адзначыў:
– Сёння ў ААТ “Мацеевічы” вельмі прыемная і важная па-дзея – мы ўшаноўваем першага ў раёне “тысячніка” сярод вадзіцеляў, занятых на адвозцы збожжа ад камбайнаў. Прыемна, што Максім Мікалаевіч у чарговы раз пацвярджае свае поспехі, бо ён каторы год запар становіцца героем уборачнай кампаніі. Перавезеная ім першая тысяча тон новага ўраджаю, думаю, стане першай ластаўкай чарговых перамог для іншых камбайнераў і вадзіцеляў. Зразумела, у гэтай перамозе ёсць унёсак калег, якія сеялі хлеб, расцілі яго, апрацоўвалі пасевы ад хвароб і шкоднікаў, нарэшце малацілі, каб было што перавозіць на зернетакі і склады. Людзі працы заслугоўваюць глыбокай павагі. Няпроста знаходзіцца ў кабіне камбайна і аўтамабіля, калі слупок тэрмометра імкнецца за 35 градусаў і нават вечарам не адчуваецца палёгкі. Вы, як ніхто, ведаеце кошт духмянай скарынкі хлеба, бо сееце яго, даглядаеце і ўбіраеце. Дзякуй вам, хлебаробы, за вашу працу!
Да слоў віншавання далучыліся і прадстаўнікі прафсаюзаў. Наталля Карпук уручыла Максіму Кавальчыку працоўныя вымпелы і фірменную кепку лідара.
Цёплыя словы віншаванняў з уручэннем калектыву водарнага каравая дапоўнілі песні, якія ліліся ад шчырых сэрцаў працаўніц культурнай нівы – “Хмелеўскіх валацуг”. Наталля Дырман з сяброўкамі ў нацыянальных касцюмах з гармонікам у руках падняла ўсім настрой лірычнымі куплетамі і трапнымі жартамі.
– Мы да вас яшчэ прыйдэмо, тілько молотытэ побільш, – паабяцала Наталля.
– Што ж, ласкава просім, сёння-заўтра “тысячнік”-камбайнер будзе, – запэўніў дырэктар гаспадаркі Мікалай Кавальчык.

Popularity: 1%