На основании пункта 6 статьи 31 Жилищного кодекса Республики Беларусь, части второй пункта 29 Положения о порядке расчетов и внесения платы за жилищно-коммунальные услуги и платы за пользование жилыми помещениями государственного жилищного фонда, утвержденного постановлением Совета Министров Республики Беларусь от 12 июня 2014 г. № 571, Жабинковский районный исполнительный комитет РЕШИЛ:

1. Установить нормативы фактического потребления тепловой энергии за март 2017 года:

на подогрев 1 кубического метра воды в жилых домах, не оборудованных приборами группового учета расхода тепловой энергии, согласно приложению 1;

на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, согласно приложению 2.

2. Обнародовать (опубликовать) настоящее решение в газете «Сельская праўда».

3. Настоящее решение вступает в силу после его официального опубликования.

Председатель                                                                   Д.Н.Городецкий

Управляющий делами                                                    А.П.Апекунов

Приложение 1 к решению Жабинковского районного исполнительного комитета

Нормативы фактического потребления тепловой энергии на подогрев 1 кубического метра воды в жилых домах, не оборудованных приборами группового учета расхода тепловой энергии, за март 2017 года

Приложение 2 к решению Жабинковского районного исполнительного комитета

Нормативы фактического потребления тепловой энергии на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, за март 2017 года

Popularity: 1%

На основании пункта 6 статьи 31 Жилищного кодекса Республики Беларусь, части второй пункта 29 Положения о порядке расчетов и внесения платы за жилищно-коммунальные услуги и платы за пользование жилыми помещениями государственного жилищного фонда, утвержденного постановлением Совета Министров Республики Беларусь от 12 июня 2014 г. № 571, Жабинковский районный исполнительный комитет РЕШИЛ:

1. Установить нормативы фактического потребления тепловой энергии за февраль 2017 года:

на подогрев 1 кубического метра воды в жилых домах, не оборудованных приборами группового учета расхода тепловой энергии, согласно приложению 1;

на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, согласно приложению 2.

2. Обнародовать (опубликовать) настоящее решение в газете «Сельская праўда».

3. Настоящее решение вступает в силу после его официального опубликования.

Председатель                                                                   Д.Н.Городецкий

Управляющий делами                                                    А.П.Апекунов

Приложение 1 к решению Жабинковского районного исполнительного комитета

Нормативы фактического потребления тепловой энергии на подогрев 1 кубического метра воды в жилых домах, не оборудованных приборами группового учета расхода тепловой энергии, за февраль 2017 года

Приложение 2 к решению Жабинковского районного исполнительного комитета

Нормативы фактического потребления тепловой энергии на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, за февраль 2017 года

Popularity: 1%

На основании пункта 6 статьи 31 Жилищного кодекса Республики Беларусь, части второй пункта 29 Положения о порядке расчетов и внесения платы за жилищно-коммунальные услуги и платы за пользование жилыми помещениями государственного жилищного фонда, утвержденного постановлением Совета Министров Республики Беларусь от 12 июня 2014 г. № 571, Жабинковский районный исполнительный комитет РЕШИЛ:

1. Установить нормативы фактического потребления тепловой энергии за январь 2017 года:

на подогрев 1 кубического метра воды в жилых домах, не оборудованных приборами группового учета расхода тепловой энергии, согласно приложению 1;

на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, согласно приложению 2.

2. Обнародовать (опубликовать) настоящее решение в газете «Сельская праўда».

3. Настоящее решение вступает в силу после его официального опубликования.

Председатель                                                                   Д.Н.Городецкий

Управляющий делами                                                    А.П.Апекунов

Приложение 1 к решению Жабинковского районного исполнительного комитета

Нормативы фактического потребления тепловой энергии на подогрев 1 кубического метра воды в жилых домах, не оборудованных приборами группового учета расхода тепловой энергии, за январь 2017 года

Приложение 2

Нормативы фактического потребления тепловой энергии на отопление 1 квадратного метра общей площади жилых помещений в жилых домах, не оборудованных приборами группового учета расхода тепловой энергии, за январь 2017 года

Popularity: 1%

Прэзідэнт Беларусі Аляксандр Лукашэнка напярэдадні завяршэння навучальнага года 25 мая наведаў сярэднюю школу нумар 61 горада Мінска. Кіраўнік дзяржавы азнаёміўся з развіццём сістэмы агульнай сярэдняй адукацыі, агледзеў выстаўку дасягненняў дзіцячага і маладзёжнага руху «Лідарскія арыенціры — формула поспеху».

На базе навучальнай установы прайшла сустрэча Аляксандра Лукашэнкі з навучэнцамі пад назвай «Моладзь. Погляд у будучыню». Школьнікі ў нефармальнай атмасферы размаўлялі з Прэзідэнтам.

Усяго ў сустрэчы з кіраўніком дзяржавы прынялі ўдзел 300 чалавек са сталіцы і розных рэгіёнаў Беларусі. У іх ліку лепшыя прадстаўнікі навучэнскай моладзі ва ўзросце 12-17 гадоў, якія праявілі сябе ў творчым, культурным, спартыўным і грамадскім жыцці, сталі ініцыятарамі дзіцячых і маладзёжных сацыяльна значных праектаў і ініцыятыў.

Лукашэнка заклікае моладзь шукаць шчасце перш за ўсё на радзіме

Аб гэтым Прэзідэнт Беларусі Аляксандр Лукашэнка заявіў на сустрэчы з навучэнцамі «Моладзь. Погляд у будучыню».

«Менавіта пад нашым небам — Беларусі — вы зможаце быць у поўнай ступені шчаслівымі і ажыццявіць сваю мару», — упэўнены беларускі лідар.

Ён адзначыў, што, вядома, можна паехаць і за мяжу, як робяць некаторыя. «Мы нікога не ўтрымліваем», — дадаў Прэзідэнт.

Разам з тым Аляксандр Лукашэнка канстатаваў, што, як паказвае практыка, потым можа быць даволі складана зноў інтэгравацца ў родную краіну, знайсці сваё месца ў грамадстве. «Галоўнае — гэта твая зямля, на якой ты нарадзіўся. Таму я вам раю не як Прэзідэнт, а як чалавек: не губляйце сваёй зямлі! Жывіце на ёй і старайцеся зрабіць нешта для той зямлі, на якой вы нарадзіліся. Для тых людзей, дзякуючым якім вы, магчыма, станеце вялікімі і лідарамі», — заклікаў кіраўнік дзяржавы.

«Вы — наша надзея, багацце краіны. І мы абавязаны зрабіць і будзем рабіць усё для таго, каб вы прыжыліся на гэтай зямлі, каб вы цанілі гэту зямлю і абаранялі», — запэўніў Аляксандр Лукашэнка.

Ён таксама ўпамянуў аб ініцыятарах перспектыўных і цікавых маладзёжных праектаў у розных рэгіёнах Беларусі. «Гэта заслугоўвае не толькі падтрымкі, але павагі ўжо. Гэтыя людзі робяць тое вялікае, што ўзнімае краіну, што напаўняе зместам усё наша жыццё. Калі будуць рэалізаваны гэтыя і іншыя праекты, яны прынясуць сусветную славу Беларусі», — сказаў кіраўнік дзяржавы.

Лукашэнка расказаў школьнікам аб якасцях сапраўднага лідара і заклікаў цаніць час

«Як Прэзідэнт і кіраўнік дзяржавы я проста абавязаны надаваць асаблівае значэнне маладому пакаленню. Таму што бачу ў вас заўтрашні дзень», — сказаў кіраўнік дзяржавы.

Ён падкрэсліў, што лідарскія якасці патрэбны ў самых розных сферах, кіраванне краінай гэта ці канкрэтная вытворчасць. «Вы можаце быць лідарамі і ў працоўных калектывах. Сапраўдны лідар — гэта не толькі кіраўнік вялікага прадпрыемства, старшыня гар-, райвыканкама або кіраўнік урада і Прэзідэнт. Сапраўдны лідар — ён заўсёды лідар і ў калектыве. Вельмі спадзяюся, што вы і ёсць такія людзі», — адзначыў Аляксандр Лукашэнка.

Прэзідэнт выказаў упэўненасць, што маладыя людзі змогуць дасягнуць пастаўленых мэт.

«У краіне створаны ўсе ўмовы, каб ваша дарога па жыцці была паспяховай. Існуючая сістэма адукацыі дазваляе зрабіць усвядомлены выбар прафесіі і рэалізаваць тыя здольнасці, якімі вы валодаеце», — адзначыў кіраўнік дзяржавы.

Аляксандр Лукашэнка таксама параіў школьнікам не траціць дарэмна каштоўны час у іх юныя гады. «У жыцці трэба рабіць усё ў свой час. Калі вы цяпер не зробіце тое, што павінны — атрымаць веды, пабудаваць фундамент свайго жыцця ў цэлым — заўтра ўжо будзе позна».

«Цяпер жыццё не тое, што ў вашых выкладчыкаў або ў мяне. Раней яно было больш спакойным. Цяпер жыццё вельмі спрасавана. Калі ты страціш год, ты заўтра не навярстаеш. У цябе не будзе гэтага часу. Твае равеснікі пойдуць наперад», — падкрэсліў беларускі лідар.

Прэзідэнт адзначыў, што ён вельмі рады гэтай сустрэчы, у тым ліку таму, што наведванне школы дало магчымасць успомніць яму свае гады і як вучня, і ў якасці выкладчыка. Ён запрасіў школьнікаў да шчырай размовы па самых розных пытаннях, пачынаючы ад удзелу ў грамадскім жыцці да пытання часу пачатку вучэбных заняткаў і мерапрыемстваў у шосты школьны дзень.

Лукашэнка: заданні на ЦТ ужо ў гэтым годзе будуць поўнасцю адпавядаць школьнай праграме «Мы сёння працуем над тэсціраваннем, каб яго наблізіць да школьнай праграмы. Ужо ў бягучым годзе новы міністр паабяцаў мне, што абсалютна ўсе тэсты будуць арыентаваны на школьныя праграмы. У гэтым годзе яны будуць абсалютна адпавядаць школьнай праграме», — запэўніў кіраўнік дзяржавы.

Ён адзначыў, што раней для складання тэстаў запрашалі прадстаўнікоў навуковых колаў, якія рабілі гэта на сваім узроўні. «І мы атрымалі, што ўсе нашы педагогі (вашы настаўнікі) летам станавіліся рэпетытарамі. І вы пачыналі вызубрываць. Не вучыцца нечаму, лагічна мысліць, а зубрыць, каб адказаць на тыя ці іншыя тэсты. Гэтага быць не павінна», — сказаў Прэзідэнт.

Аляксандр Лукашэнка таксама заявіў, што ў нейкай ступені ад тэстаў адмовяцца, асабліва гэта датычыцца паступлення на творчыя спецыяльнасці. «Мы гэта зрабілі яшчэ раней, але будзем пашыраць. Таму што ўсё ж такі за сухім перакрэсліваннем нейкіх лічбаў у тэсце выкладчык не бачыць чалавека. Гэта дрэнна», — упэўнены кіраўнік дзяржавы.

Прэзідэнт прывёў у прыклад, як паступаюць у ВНУ на творчыя спецыяльнасці. Так, жадаючыя стаць музыкантамі або журналістамі абавязкова здаюць творчы іспыт, а значыць, экзаменатар можа адразу ж пераканацца ў іх таленце. Калі б маладым людзям давялося здаваць толькі ЦТ, грамадства і дзяржава маглі б страціць адоранага чалавека з-за адной крыўднай памылкі.

«Гэты год паглядзім, і ў будучым годзе канчаткова прымем рашэнне», — рэзюмаваў Аляксандр Лукашэнка.

Лукашэнка падтрымаў ідэю стварэння маладзёжнага парламента рэспублікі

Цяпер існуюць маладзёжныя палаты пры абласных саветах дэпутатаў і Мінскім гарадскім савеце. Ёсць ініцыятыва стварыць рэспубліканскі маладзёжны парламент на базе Савета Рэспублікі.

«Калі вы гэта хочаце зрабіць, я буду ўсяляк падтрымліваць. Я за, — падкрэсліў Аляксандр Лукашэнка. — Зрабіце хоць двухпалатны. Я абавязкова распараджуся, каб вас у пэўныя дні запускалі ў Палату прадстаўнікоў і Савет Рэспублікі. Працуйце».

Лукашэнка выступае за больш шырокае выкарыстанне беларускай мовы, але без штучнага насаджэння

Кіраўніку дзяржавы было зададзена пытанне адносна вывучэння гістарычных прадметаў у школе на беларускай мове. «Я катэгарычны праціўнік навязвання вучням якой-небудзь дзяржаўнай мовы — у нас іх дзве — руская і беларуская. Чалавек сам павінен вызначыцца, на беларускай ці рускай мове ён будзе вывучаць, — сказаў Прэзідэнт. — Калі вы мяне спытаеце, а я як хацеў бы… Я хацеў бы, каб гэтыя прадметы вывучаліся на беларускай мове. Мы больш размаўляем, у тым ліку ў быце, на рускай мове. Беларускай мовы ў нашым быце не хапае. Дрэнна гэта ці добра? Не ведаю. Не думаю, што гэта катастрофа».

Аляксандр Лукашэнка ў сувязі з гэтым заўважыў, што многія лічаць рускую мову выключна расійскай, але такі падыход няправільны. «Гэта наша мова. Мы на гэтай мове стагоддзямі размаўлялі. Мова — гэта жывое. Цяперашняя руская мова ўдасканальвалася з веку ў век. Яна стала такой дзякуючы таму, што мы ўклалі ў яе душу, рускія людзі ўклалі ў яе душу, і ўкраінцы не менш. І нават тыя народы, якія менш за нас размаўлялі на рускай мове. Мы гінулі за гэту мову. Гэта наша руская мова. Гэта вялікі здабытак», — падкрэсліў беларускі лідар.

«Праўда ў тым, што ў нас ёсць і іншая мова, якая нас адрознівае ад іншых народаў. Дзяржава і народ маюць пэўныя адметнасці, у тым ліку сваю мову. Калі ў народа свая мова, значыць, гэта — народ. У нас такіх дзве. Мы багатыя», — сказаў кіраўнік дзяржавы.

Аляксандр Лукашэнка заявіў, што не з’яўляецца прыхільнікам таго, каб штучна нешта насаджаць, інакш можа ўзнікнуць непрыманне. «З-за неразумення моўных праблем часта войны пачыналіся. Нам гэта не патрэбна», — адзначыў ён.

Прэзідэнт таксама прывёў яркія прыклады таго, чаму ні ў якім разе не трэба адмаўляцца ад рускай мовы. Так, на ўсіх міжнародных канферэнцыях сінхронны пераклад ажыццяўляецца на шэраг распаўсюджаных моў свету, і ў іх ліку рускую. Акрамя таго, руская мова мае вялікую тэрміналогію, асабліва ў сферы дакладных навук. «Давайце не будзем губляць тое, на што нашы продкі паклалі жыццё. Навошта нам адмаўляцца ад гэтага?» — сказаў беларускі лідар.

«Вядома, як Прэзідэнт Беларусі я вельмі хацеў бы, каб мы больш выкарыстоўвалі беларускую мову», — падкрэсліў Аляксандр Лукашэнка.

Лукашэнка расказаў аб сваіх марах у дзяцінстве

«Я тады (у дзяцінстве. — Заўвага БЕЛТА) не думаў аб тым, каб стаць Прэзідэнтам. І думаць не мог. Па-першае, прэзідэнтаў у краіне не было. Былі генеральныя сакратары. Але я таксама не думаў аб тым, каб стаць нейкім там сакратаром», — расказаў кіраўнік дзяржавы, адказваючы на адно з пытанняў.

«Скажу шчыра і сумленна: у мяне было адзінае жаданне, — паколькі я жыў не ў лепшай вёсцы, бачыў пакуты гэтых людзей, бачыў недахопы, бачыў, як яны жылі, — у мяне было вялікае жаданне ўзяць якую-небудзь тэрыторыю, гаспадарку, і гэтым людзям зрабіць нешта добрае», — прызнаўся Аляксандр Лукашэнка.

Яшчэ адным жаданнем у дзяцінстве быў прафесійны спорт і, у прыватнасці, футбол. «Я страшна любіў футбол і хацеў быць вялікім спартсменам. Але я не трапіў ні да якога трэнера, ды і размовы не магло быць. Як маглі, так і гулялі», — адзначыў беларускі лідар.

Лукашэнка: легіянеры ў хакеі важныя, але стаўку будзем рабіць на сваіх ігракоў

«Вядома, калі ёсць легіянеры, у якіх можна павучыцца, гэта вельмі важна. Мы не адмаўляемся поўнасцю ад легіянераў, але паступова ад іх будзем адыходзіць, — сказаў Аляксандр Лукашэнка. — Стаўку мы будзем рабіць на сваіх».

Кіраўнік дзяржавы звярнуў увагу на такі немалаважны факт, як памер заработнай платы ў замежных хакеістаў: яна складае мінімум $500 тыс. у год. «Гэта велізарныя грошы. Калі даць $500 тыс. на якую-небудзь нашу каманду ў чэмпіянаце Беларусі, то яны год будуць займацца хакеем. Таму мы не можам выкідваць упустую грошы», — падкрэсліў ён.

Акрамя таго, заўважыў Прэзідэнт, легіянеры займаюць першыя пазіцыі, а значыць, беларускія спартсмены прывыкаюць адыгрываць другарадную ролю. «А калі яны ў зборную трапляюць (там жа легіянераў няма), ім даводзіцца саліраваць і лідзіраваць, а яны да гэтага не прывучаны. Гэта таксама вельмі важны аргумент, таму з легіянерамі трэба быць асцярожней», — упэўнены Аляксандр Лукашэнка.

Што датычыцца хакейнага клуба «Дынама-Мінск», кіраўнік дзяржавы лічыць, што там хопіць трох легіянераў. «Я прыхільнік таго, каб быў добры варатар-іншаземец, у першай пяцёрцы лідар і ў другой, а трэцяя і чацвёртая пяцёркі — чыста беларускія. Вось тры легіянеры. Думаю, гэта нармальна», — адзначыў кіраўнік дзяржавы.

Прэзідэнт дадаў, што для павышэння ўзроўню беларускіх хакеістаў будуць узнімаць прэстыж нацыянальнага чэмпіянату. Удзельнічаць у ім жадаюць і каманды з суседніх краін, а гэта дабавіць спаборнасці турніру і дапаможа беларусам стаць мацнейшымі.

Лукашэнка аб вучобе малодшага сына: звычайная школа, звычайны вучань

Паводле слоў Прэзідэнта, адзін з любімых школьных прадметаў яго сына — гісторыя. «І не таму, што я гісторык. А таму, што ў яго склад розуму гуманітарны», — сказаў ён.

«Калі вы думаеце, што ён у мяне там асаблівае дзіця, нічога падобнага. Як усе. У сем пад’ём, у восем на занятках, — сказаў Аляксандр Лукашэнка. — Звычайная школа, звычайны вучань. Так, усе разумеюць, што гэта сын Прэзідэнта. Але, дзякуй богу, ён не любіць, калі на яго ўвагу звяртаюць больш, чым гэта патрэбна».

Гаворачы пра школьныя заняткі, кіраўнік дзяржавы выказаў меркаванне, што не трэба перагружаць вучняў вялікай колькасцю ўрокаў і вельмі складаным матэрыялам, таксама як і празмерным аб’ёмам дамашняга задання. «Інакш атрымаем адваротную рэакцыю. Асабліва калі дзеці не разумеюць складанасць матэрыялу», — адзначыў ён.

Лукашэнка: у пытанні пачатку вучэбных заняткаў у школах галоўным павінна быць здароўе дзяцей

«Мы павінны вызначыцца, чаго мы ад гэтага (пераносу пачатку вучэбных заняткаў. — Заўвага БЕЛТА) хочам. Я гаварыў пра здароўе дзяцей, пра нармальнае іх самаадчуванне на ўроку. Для таго каб чалавек засвойваў матэрыял, ён павінен добра сябе адчуваць. Таму мне здаецца, што тут мэта — здароўе дзяцей і здольнасць засвойваць матэрыял», — заявіў кіраўнік дзяржавы.

Аляксандру Лукашэнку была прадстаўлена інфармацыя, згодна з якой 82,5 працэнта ўстаноў агульнай сярэдняй адукацыі з 1 верасня 2017 года будуць пачынаць вучэбныя заняткі з 9 раніцы. З 8.30 раніцы вучоба будзе пачынацца ў 17,2 працэнта школ і толькі ў 0,3 працэнта ўстаноў — з 8 раніцы.

«Мы праманіторылі. Так, сапраўды, ёсць аб’ектыўна школы, якія могуць пачынаць вучэбныя заняткі з 9 раніцы. Гэта, як правіла, вясковыя школы і ўстановы адукацыі, якія працуюць у адну змену», — далажыў міністр адукацыі Ігар Карпенка.

Паводле яго слоў, складанасці ўзнікаюць у школ, дзе вучэбны працэс арганізаваны ў дзве змены, але адпаведныя пытанні вырашаюцца ў тым ліку за кошт некаторага скарачэння часу перапынкаў.

Усе вучэбныя праграмы для сярэдняй школы ў Беларусі да 1 верасня будуць абноўлены

Аб гэтым Прэзідэнту Беларусі Аляксандру Лукашэнку далажыў міністр адукацыі Ігар Карпенка.

Паводле слоў міністра, гэта работа практычна завершана. Разам з тым па аб’ектыўных прычынах пад новыя праграмы да наступнага навучальнага года будуць распрацаваны падручнікі не па ўсіх прадметах. «Мы прааналізуем змест падручнікаў і дакладна вызначым, што са старых падручнікаў браць, а што не ў адпаведнасці з новымі праграмамі, дадзім метадычныя рэкамендацыі», — сказаў Ігар Карпенка.

«Трэба выбраць тыя, што не могуць чакаць, і замяніць гэтыя падручнікі ў першую чаргу. Астатнія пакуль пакінуць, выдаўшы рэкамендацыі», — даручыў Прэзідэнт.

Кіраўніку дзяржавы прадэманстравалі адзін з сігнальных экзэмпляраў новых падручнікаў, а таксама сучасную тэхналогію «ажываючых карцінак». Яе сутнасць у тым, што з дапамогай дадатку на смартфоне можна фактычна «ажывіць» карцінку і прагледзець дадатковы відэаматэрыял.

Аляксандр Лукашэнка выказаў меркаванне, што акрамя зместу важна і афармленне падручнікаў, якое павінна быць прыгожым і фундаментальным, але разам з тым і практычным. «Шкадаваць грошы на падручнікі нельга», — сказаў ён.

Акрамя таго, Прэзідэнту расказалі аб адукацыйным партале, дзе ў свабодным доступе ёсць самыя розныя матэрыялы і інфармацыя для вучняў, бацькоў і педагогаў.

Мінскі дзевяцікласнік прадэманстраваў Лукашэнку ўласнаручна сабраны 3D-прынтар

Вучань мінскай гімназіі нумар 6 Даніла Елісееў на выстаўцы дасягненняў дзіцячага і маладзёжнага руху «Лідарскія арыенціры — формула поспеху», якая разгарнулася ў сярэдняй школе нумар 61, прадэманстраваў Прэзідэнту Беларусі Аляксандру Лукашэнку ўласнаручна сабраны 3D-прынтар.

Паводле слоў падлетка, гэта мадэль — бюджэтная (кошт усяго каля $250), аднак яна не ўступае дарагім прамысловым аналагам. Даніла Елісееў сабраў свой 3D-прынтар у дамашніх умовах і паспеў ужо дамовіцца з пастаўшчыкамі аб набыцці ў іх неабходных дэталей. Паводле яго слоў, попыт на вынаходства ёсць.

Аляксандр Лукашэнка пацікавіўся ў дзевяцікласніка, ці можа ён ствараць больш магутныя мадэлі, якія будуць друкаваць рознымі матэрыяламі і некалькімі колерамі. Гімназіст прызнаўся, што ў гэты момант працуе над гэтым.

«Што ты хацеў бы атрымаць у якасці падтрымкі ад дзяржавы? Трэба разабрацца, што яму трэба, і дапамагчы», — даручыў Прэзідэнт. Кіраўнік дзяржавы таксама сказаў, што юнаму канструктару прадаставяць падтрымку, калі ён абучыць гэтай вытворчасці і іншых людзей.

«Не саромейся, гавары, што трэба. А мы скажам, што зможам зрабіць», — дадаў ён.

На выстаўцы дасягненняў вучні з розных рэгіёнаў Беларусі расказалі кіраўніку дзяржавы аб рэалізуемых у іх школах і гімназіях праектах, прадэманстравалі ўласныя распрацоўкі і вынаходствы.

Аляксандр Лукашэнка таксама наведаў школьны музей дзяржаўнасці. Прэзідэнт даручыў перадаць установе адукацыі Слуцкі пояс для пашырэння экспазіцыі, а затым па просьбе дзяцей сфатаграфаваўся з імі на памяць.

На здымку: пад час сустрэчы.

Popularity: 1%

Алёна НІКАНЧУК.
Фота Жанны ПАДРУБНАЙ.

На працягу сакавіка ў Жабінкаўскім раённым гісторыка-краязнаўчым музеі ладзілася персанальная выстава вышываных карцін жыхаркі нашага райцэнтра Ларысы Панасюк. Наведвальнікі змаглі ўбачыць 17 работ майстрыхі, вышытых крыжыкам. Свайму захапленню Ларыса Васільеўна застаецца верная сямнаццаты год.

Кватэра жанчыны даўно ператварылася ў сапраўдную карцінную галерэю: вышываныя работы ў прыгожых багетных рамках паўсюль. Вось цвіце яблыневы сад, красуецца снежны барс, а тут незнаёмка з загадкавым позіркам, ціхая вясковая раніца. Цыкл карцін “Поры года” адлюстроўвае прыгажосць зімы, вясны, лета і восені. Яшчэ чатыры работы аб’яднаны адной тэмай “Кветкі” і выкананы ў пэўнай колеравай гаме: на чорным фоне расцвілі жоўта-аранжавыя цюльпаны, кала, сланечнік і каралева кветак ружа. У хатняй калекцыі ёсць вышытыя абразы Казанскай Божай Маці і святога Мікалая Цудатворца. На гэтую справу Ларыса Панасюк атрымала блаславенне настаяцеля Свята-Мікалаеўскай царквы аграгарадка Азяты айца Вадзіма.

Свае работы Ларыса Васільеўна дорыць родным і блізкім на дні нараджэння і святы. Брату Юрыю вышыла карціну “Незнаёмец”, цётцы – “Кармэн”, сяброўцы – “Ізумрудныя карункі”. Яе “Палярнае ззянне” знаходзіцца ў прыватнай калекцыі ў Маскве, а “Домік з дзяцінства” – у Лондане. Час, які затрачвае яна на стварэнне адной работы, можа вагацца ад некалькіх месяцаў да года. Так, каля года ствараўся вышэйузгаданы снежны барс, якога жанчына вышывала на льняной тканіне. Свае рукатворныя вырабы Ларыса Панасюк абрамляе прыгожымі рамкамі, якія заказвае ў абласным цэнтры ў багетнай майстэрні. Наборы для вышывання крыжыкам, куды ўваходзяць інструкцыя, канва, ніткі мулінэ і іголка, раней купляла ў Брэсцкім ЦУМе, цяпер выпісвае з Расіі.
Хутка Ларыса Васільеўна завершыць работу над карцінай “Мя-дзведжы край”, якою жыве ўжо чацвёрты месяц. Свой вольны час, у асноўным, прысвячае любімаму занятку. Вышывае дома пасля працы (яна прадавец у прыватным магазіне “Аўтазапчасткі”, што ў мікрараёне бальніцы). Нягледзячы на тое, што Ларыса Панасюк усё жыццё працавала з сухімі лічбамі: была бухгалтарам у
Жабінкаўскім райспажыўтаварыстве, потым галоўным бухгалтарам прамгандлю “Вясёлка” – у душы ўсё ж заставалася чалавекам творчым, што пацвярджае яе хобі. Як падзялілася сама жанчына, вышыўка захапляе, супакойвае, прыносіць радасць і задавальненне. У яе шмат творчых планаў і ідэй наконт будучых работ. Якая ж будзе наступнай?!.. Упэўнена, у чарговы раз майстрыха здзівіць нас і парадуе сваёй рукатворнай прыгажосцю.

Popularity: 1%

Летніх канікулаў чакаюць без выключэння ўсе школьнікі. У гэты час мінімізаваць колькасць дарожных аварый з удзелам непаўнагадовых магчыма толькі ў адным выпадку: калі і вадзіцелі, і дзеці будуць адказна ставіцца да захавання Правілаў дарожнага руху і ўзаемна паважаць інтарэсы адзін аднаго. Пагадзіцеся: вельмі проста паглядзець па баках, перш чым перайсці дарогу; не спяшаючыся і пераканаўшыся ў бяспецы, выйсці з-за прыпаркаванага аўтамабіля; гуляць не паблізу дарогі, а на спецыяльных пляцоўках (гэтая тэма асабліва актуальная ў сельскай мясцовасці); ездзіць на веласіпедзе па веладарожках, тратуарах, пешаходных і жылых зонах, а не па праезнай частцы. Дзецям да 14 гадоў забараняецца катацца па дарозе без суправаджэння дарослых. Для руху ў цёмны час сутак веласіпед павінен быць абсталяваны святлоадбіўнікамі і ліхтарамі. Пэўная экіпіроўка рэкамендуецца і для юнага веласіпедыста: галаву абараніць ахоўным шлемам, локці і калені – налакотнікамі і накаленнікамі, у цёмны час неабходна выкарыстоўваць камізэльку павышанай бачнасці ці святлоадбіўныя элементы.
На вадзіцелях ляжыць двайная адказнасць, бо яны кіруюць механізмам вагой ад 1,5 да 3,5 тоны. Пагэтаму пры заездзе ў двор, руху па сельскіх дарогах ці паблізу школ кіроўцам варта знізіць хуткасць да мінімальнай, павысіць пільнасць, бо ў любы момант на дарозе можа з’явіцца непаўнагадовы.
Да таго ж бацькам няварта забываць, што ў незалежнасці ад далёкасці паездкі дзіця патрэбна перавозіць у спецыяльным утрымліваючым прыстасаванні – гэта святы абавязак кожнага таты ці мамы.
Паважаныя вадзіцелі, будзьце ўважлівыя: з 25 мая па 5 чэрвеня на тэрыторыі рэспублікі ДАІ праводзіць спецыяльны комплекс мерапрыемстваў “Увага – дзеці!”. У гэты перыяд уключэнне бліжняга святла фар абавязковае незалежна ад часу сутак. Падарыце дзецям бяспечныя канікулы!
Раман КРУПКО, старшы дзяржаўтаінспектар  АДАІ Жабінкаўскага РАУС.

Popularity: 1%

На Жабінкаўшчыне адзначаецца рост паказчыкаў захваральнасці на вострыя кішэчныя інфекцыі за І квартал 2017 года ў параўнанні з аналагічным мінулагоднім перыядам.
Асноўнымі фактарамі іх перадачы з’яўляюцца харчовыя прадукты з парушэннем умоў захоўвання, фрукты без папярэдняй апрацоўкі. Найбольш эпідэміялагічна значнай узроставай групай з’яўляюцца дзеці ва ўзросце ад 0 да 6 гадоў.
Безумоўна, захворванне лягчэй папярэдзіць, чым лячыць. Для гэтага неабходна выконваць асноўныя меры прафілактыкі: старанна мыць гародніну і садавіну перад ужываннем у ежу; мыць рукі з мылам перад прыгатаваннем ежы і пасля кожнага перапынку ў працэсе прыгатавання; падвяргаць прадукты тэрмічнай апрацоўцы; захоўваць усе прадукты, якія хутка псуюцца, у халадзільніку; звяртаць увагу на ўмовы захоўвання, дату вырабу, указаную на ўпакоўцы; сачыць за чысцінёй на кухні; не дапускаць пранікнення насякомых на кухню; ваду для піцця абавязкова кіпяціць.
Пры ўзнікненні сімптомаў вострай кішэчнай інфекцыі неабходна звярнуцца па медыцынскую дапамогу.
Дар’я РЭЗНІЧЭНКА, памочнік урача-эпідэміёлага ДУ “Жабінкаўскі райЦГЭ”.

Popularity: 1%

Сонечным днём вучні-пачаткоўцы першай гарадской школы спорным крокам спяшаліся ў дзіцячую бібліятэку. Ішлі, як заўсёды, прыціскаючы да грудзей прачытаныя кнігі, але ўжо ведалі, што іх чакае незвычайнае знаёмства. На сустрэчу з дзецьмі ў Жабінку са сталіцы прыехала Надзея Ясмінска, маладая беларуская пісьменніца. З сабою яна прывезла казачную аповесць на роднай мове “Сем ружаў”.
Аўтар прачытала адну частку казкі, якая называецца “Блакітная Ружа і скарб волаткі”, а маленькія жабінкаўцы зацікаўлена сачылі за ходам дзіўнай гісторыі незвычайнай дзяўчынкі, імя якой Блакітная Ружа. Слухачы былі актыўнымі, неўзабаве самі трапілі ў казку, таму што Надзея Ясмінска прапаноўвала дзецям розныя заданні па ходу гісторыі. Разам з гераіняй казкі яны збіралі букет з блакітных кветак. Сапраўдным адкрыццём стала навіна, што сваю кветку мае не толькі Анютка, Васілінка, але і Вераніка! Дзеці даведаліся, хто такі Меша. Яны не толькі пазнаёміліся з гэтай міфічнай істотай, але і шукалі яго схованкі, а з магутнай волаткай раскладвалі па сваіх месцах упрыгожванні і прылады працы.
Казка скончылася, але не сустрэча. Дзеці яшчэ доўга цікавіліся творчымі планамі пісьменніцы, прасілі аўтографы, фатаграфаваліся. З усімі Надзея Ясмінска была ветлівай, пазітыўнай, як і яе творы. А напрыканцы сустрэчы аўтар падарыла бібліятэцы дзве свае кнігі. Няхай дзеткі чытаюць!
Далей вучняў чакала гульнёвая праграма, якую падрыхтавалі работнікі бібліятэкі. Самыя ўважлівыя і дасведчаныя чытачы хутка справіліся з пытаннямі літаратурнай віктарыны ад Алёнкі. Не разгубіліся і ў літаратурным акіяне, вылавілі сваю залатую рыбку, адказалі на яе хітрае пытанне. Ніхто з пачаткоўцаў не застаўся без падарунка. Але ж галоўнае не ў руках, а ў думках: “Чакай нас, бібліятэка! Мы хутка зноў прый-дзем да цябе!”
Дзякуй вам, душэўныя, адказныя, неспакойныя работнікі бібліятэкі! За любоў да сваёй прафесіі, за творчы падыход да працы, за чуллівасць і дабрыню ў адносінах да дзяцей! Веру, з вамі свет становіцца лепшым!
Таццяна КАШТЭЛЯН, настаўніца 3 “А” класа СШ № 1 г. Жабінка.
Фота Вольгі ДАНІЛЮК.

Popularity: 1%

Людміла КОСЦІНА.
Фота Таццяны ПЛАВУХ.
Недзе давялося пачуць такое выказванне: “Калі краіна – вялікая сям’я, то сям’я… маленькая краіна!” Не пагадзіцца нельга, бо сапраўды кожная сям’я – гэта асаблівы асяродак, у якім пануюць свае правілы, традыцыі; ёсць мама і тата, якія дапамогуць пераадолець цяжкасці, разам парадуюцца тваім поспехам і ўдачам. А яшчэ ў сям’і шмат сумесных спраў і клопатаў, пераважаюць любоў і радасць.
Ужо каторы год на Жабінкаўшчыне праводзіцца конкурс “Лепшая шматдзетная сям’я”. Хоць у раёне пражывае 410 шматдзетных сем’яў, але ўдзельнічаюць у ім нямногія, відаць, самыя смелыя, крэатыўныя, тыя, хто верыць у свае сілы і здольнасці. Сёлета такіх было тры. На сцэну падняліся цудоўныя, жыццярадасныя Аксана Міхайлаўна Ляўковіч і Сяргей Мікалаевіч Прыступа са сваімі шасцю сынамі і дочкамі; Вольга Уладзіміраўна і Яўген Яўгенавіч Якавукі з трыма сваімі нашчадкамі; Валянціна Аляксандраўна Бусько і яе дзве дачушкі і сынок (на жаль, тата Дзмітрый Сяргеевіч быў у камандзіроўцы, бабуля дапамагала ў конкурсах).
З прывітальным словам да ўдзельнікаў конкурсу і гасцей звярнулася намеснік старшыні райвыканкама Ала Ануфрыюк. Ала Сцяпанаўна ўзгадала, што ў нашым раёне пражывае больш як чатыры сотні шматдзетных сем’яў, у якіх выхоўваецца ад трох да дзесяці дзяцей, большасць з іх жывуць у любові і шчасці, у радасці і дастатку. Менавіта ў сям’і закладваюцца асновы працавітасці, бескарыснай любові, адданасці, міласэрнасці, клапатлівасці, якія дапамагаюць з радасцю крочыць па жыцці. Ала Сцяпанаўна падзякавала канкурсантам за смеласць і пажадала поспехаў.
Пакуль не настаў час выканання першага задання, колькі слоў пра выставу “Умелыя рукі”, аформленую ў фае гарадскога Дома культуры. Тут месціліся вырабы, створаныя мамамі, татамі і іх дзеткамі: у поле зроку трапляюць апетытныя ласункі, якія выпеклі гаспадыні, вышыванкі, малюнкі, вырабы з бісеру і саломкі (думаю, многія звярнулі ўвагу на залацістую гітару на выставе сям’і Ляўковіч-Прыступа). Дарэчы, на выставе было і дамашняе заданне: “Сямейны пірог”, з якім, здаецца, на выдатна справіліся ўсе канкурсанты. Нельга не адзначыць мноства ўзнагарод юнага пакалення конкурсу: дыпломы, граматы, медалі за творчасць і здольнасці. У дзевяцігадовага Георгія Бусько, які наведвае клуб “Бусідо” (дзюдо) у Брэсце, каля двух дзясяткаў медалёў: ёсць і золата, і серабро.
Словам, выстава пацвярджала, што на сцэну выходзяць творчыя, здольныя і дастойныя сем’і.
Пасля прыгожай лірычнай песні “Дзве душы”, якую падарылі сямейным парам Алеся Жукава і Валерый Няменьшы, пачалося выкананне заданняў: візітная картка “Радавод”, прадстаўленне сацыяльна знакавага праекта “Мая краіна – мая сям’я” і конкурс “Мы таленавітыя”.
Усе стараліся раскрыць сябе, паказаць свае таленты і ўменні, расказаць пра сябе, пазнаёміць са сваім жыццём, побытам, адпачынкам. Фота і відэапрэзентацыі дапамаглі ўбачыць самыя шчаслівыя моманты з жыцця сем’яў-канкурсантаў, сумесныя адпачынкі, хатнія клопаты, як яны вядуць здаровы лад жыцця, чым напоўнены вечары. Конкурсы паказалі, што ўсе сем’і такія непаўторныя і ў той жа час аднолькавыя, бо жывуць весела і дружна.
Заданні выкананы, журы падводзіць вынікі, а са сцэны лепшыя спевакі і танцоры дараць хвіліны радасці ўсім, хто знаходзіцца ў зале.
Хвалюючы момант. Старшыня журы, начальнік упраўлення працы, занятасці і сацыяльнай абароны райвыканкама Любоў Фёдараўна Селівонік называе лепшую шматдзетную сям’ю. Адзначае, што вельмі цяжка было вызначыцца, таму што ўсе ішлі роўна і аднолькава, больш крэатыўнасці праявіла сям’я Бусько, яна і стала лепшай.
Пераможцам і ўдзельнікам уручаюцца дыпломы і падарункі. Гэта, дарэчы, стала магчымым дзякуючы фінансавай падтрымцы конкурсу Жабінкаўскім раённым выканаўчым камітэтам, раённым аддзяленнем Беларускага фонду міру і Жабінкаўскім тэрытарыяльным цэнтрам сацыяльнага абслугоўвання насельніцтва.
Мерапрыемства завяршаецца, мне на развітанне хочацца пажадаць, каб сем’ям-удзельнікам дапамагалі рыхтаваць прэзентацыі спецыялісты-прафесіяналы, калі гэта раённы конкурс, а таксама праводзілі рэпетыцыі, пад час якіх удзельнікі навучаліся б сцэнічнаму майстэрству.

Popularity: 1%

На XXII сесію Жабінкаўскага раённага Савета дэпутатаў 27 склікання, акрамя дэпутатаў, запрашаліся намеснікі старшыні райвыканкама, начальнікі ўпраўленняў, аддзелаў райвыканкама, кіраўнікі арганізацый, устаноў, сельвыканкамаў, якія не з’яўляюцца дэпутатамі. У рабоце сесіі прыняў удзел старшыня райвыканкама Дзмітрый Гарадзецкі, які актыўна ўдзельнічаў у абмеркаванні.
Першым было разгледжана пытанне “Аб рабоце органаў мясцовага кіравання і самакіравання па рэалізацыі Указаў Прэзідэнта Беларусі “Аб мерах па ўдасканаленні ўліку скарачэння колькасці пустых і старых дамоў у сельскай мясцовасці” і “Аб канфіскацыі і выдзяленні зямельных участкаў” і навядзенні парадку на зямлі, добраўпарадкаванні населеных пунктаў. Выступаючы з дакладам, намеснік старшыні райвыканкама Максім Антанюк заўважыў: “Летась на знос старых дамоў было выдаткавана 5724 руб. з раённага бюджэту, з іх патрачана – 5251 руб. Сёлета на гэтыя мэты прадугледжана 5670 руб. На 1 студзеня 2017 года на тэрыторыі раёна было 50 дамоў, не заселеных на пастаяннай аснове, у адносінах якіх няма паведамленняў аб намеры пражывання : 31 дом – гэта патэнцыяльна выбарачная спадчына, 13 падпадаюць пад крытэрыі пустуючых і 6 падлягаюць зносу”.
“Пасля зносу старых і пустуючых дамоў, – зазначыў дакладчык, – вызваляюцца зямельныя ўчасткі, якія неабходна выкарыстоўваць максімальна эфектыўна. Так, сельвыканкамамі на іх, паводле дзеяння ўказаў №100 і №70, пабудавана 17 новых “прэзідэнцкіх домікаў”, 2 участкі аддадзены для будаўніцтва індывідуальных жылых дамоў, 2 – грамадзянам для агародніцтва, 3 – для вядзення асабістай падсобнай гаспадаркі, 3 – унесены ў пералік свабодных, не занятых для будаўніцтва. Дарэчы, навядзенне і падтрымка поўнага парадку ў раёне ажыццяўляецца ў адпаведнасці з мерапрыемствамі па добраўпарадкаванні і ўтрыманні тэрыторый у раёне, якія штогод зацвярджаюцца рашэннем райвыканкама (з іх выкананы такія, як узвядзенне 40-кватэрнага дома ў Жабінцы па вул. Мола-дзевая, 14 з добраўпарадкаваннем прылеглай тэрыторыі; адбылося ўладкаванне вуліц з пясчана-гравійным пакрыццём у райцэнтры ў квартале індывідуальнай забудовы “Камсамольскі”; рэканструяваны пад магазін непрадуктовых тавараў будынак былой пякарні на вул. Піянерская з добраўпарадкаваннем прылеглай тэрыторыі”. Сёлета трэба ажыццявіць 79 мерапрыемстваў, асноўныя з якіх у Жабінцы: устанавіць кантэйнеры для паасобнага збору адходаў у горадзе (280 штук); комплексна добраўпарадкаваць прылеглую тэрыторыю шматкватэрнага жылога дома па вул. Цэнтральная, 8 і да 60-кватэрнага жылога дома па вул. Зарэчная, 10а; пабудаваць стаянку на 23 машынамесцы па вул. Кірава за кошт інвестараў.
У сельскіх населеных пунктах у сувязі са святам “Дажынкі – 2017”, перавага аддадзена аграгарадку Ленінскі, для якога асобна распрацаваны план па рамонце і добраўпарадкаванні аб’ектаў.
З мэтай павышэння якасці работ па ўтрыманні тэрыторый раёна і добраўпарадкаванні, адзначалася, дадаткова распрацаваны паквартальны графік разгляду на апаратных нарадах пытанняў навядзення парадку на зямлі і добраўпарадкаванні населеных пунктаў на ўсіх тэрыторыях сельсаветаў і ў райцэнтры.
Садакалад па абмяркоўваемым пытанні зрабіла начальнік землеўпарадкавальнай службы райвыканкама Лілія Сакалова. Яна заўважыла: “За 2016 год і сёлета падрыхтавана па зямельных пытаннях 1236 праектаў-рашэнняў, у тым ліку 567 раённага выканаўчага камітэта, 669 сельскіх выканаўчых камітэтаў.

Спецыялістамі земле-ўпарадкавальнай службы разгледжаны 1082 заявы па адабаранні, прадастаўленні зямельных участкаў, афармленні правазасведчаных дакументаў на зямлю, прадаўжэнне тэрмінаў карыстання ёю, на арэнду зямельных участкаў. Было 1128 землеўпарадкавальных спраў, у тым ліку 150 на юрыдычных асоб, 978 на грамадзян і 56 зваротаў па зямельных пытаннях ад розных катэгорый насельніцтва.
Землеўпарадкавальнай службай і сельвыканкамамі сфарміраваны пералік свабодных зямельных участкаў, якія могуць быць выдзелены для будаўніцтва і абслугоўвання аднакватэрнага жылога дома, для калектыўнага садоўніцтва”.
Потым Лілія Мікалаеўна канкрэтызавала, што летась для будаўніцтва жылога дома былі выдзелены 73 зямельныя ўчасткі, 99 для калектыўнага садоўніцтва, а сёлета адпаведна 3 і 10, агульная колькасць участкаў, што ўключаны ў пералікі свабодных, на 1 мая г.г. была: для калектыўнага садоўніцтва – 191, для будаўніцтва і абслугоўвання аднакватэрнага жылога дома – 65. Цяпер Жабінка мае 12 свабодных зямельных участкаў. З 2010 года развіццё індывідуальнага жылога будаўніцтва вядзецца ў асноўным у 2 сельсаветах – Жабінкаўскім і Ракітніцкім, а таксама ў райцэнтры.
Далей Лілія Мікалаеўна спынілася на рабоце земле-ўпарадкавальнай службы райвыканкама, што праводзіцца сумесна з сельвыканкамамі, па кантролі за своечасовым асваеннем зямельных участкаў, якія выдзяляюцца для будаўніцтва жылога дома. У прыватнасці, было адзначана, што гаспадары, якія не выконваюць заканадаўчыя ўмовы адводаў на зямельным участку ў вызначаныя тэрміны, пазбаўляюцца права на карыстанне ім. За мінулы год і сёлета было спынена права на тры зямельныя ўчасткі (1 у Жабінцы, 2 у Федзькавічах). Летась былі выдзелены тры зямельныя ўчасткі новым фермерскім гаспадаркам агульнай плошчай 41,32 га (ФГ “Ліскі Прадукт” з земляў ААТ “Азяты АГРА”; КФГ “Лясны арэшак” з земляў Жабінкаўскага сельсавета; КФГ “Парафянюк Плюс” з земляў былога садаводчага таварыства) і тры зямельныя ўчасткі юрыдычным асобам для будаўніцтва шматкватэрных жылых дамоў у Жабінцы.
Выступоўца заўважыла таксама, што паводле вынікаў праведзенай інвентарызацыі ў сельскіх населеных пунктах было выяўлена 95 свабодных пустуючых зямельных участкаў агульнай плошчай 38,81 га і 127, што не выкарыстоўваюцца, агульнай плошчай 27,4 га ля пустуючых дамоў. Складзены альбомы гэтых участкаў па кожным сельсавеце і намечаны мерапрыемствы па іх далейшым прыцягненні ў карыстанне. З выяўленых пустуючых зямельных участкаў у сельскіх населеных пунктах раёна аддадзены грамадзянам: 31 для будаўніцтва і абслугоўвання жылога дома; 26 – для вядзення падсобнай гаспадаркі.
Інфармацыя аб наяўных зямельных участках таксама выкарыстоўваецца для інвестыцыйных праектаў, размешчана на стэндзе землеўпарадкавальнай службы райвыканкама, на інтэрнэт-старонцы райвыканкама афіцыйнага сайта Брэсцкага аблвыканкама.
Як вядзецца продаж зямельных участкаў з аўкцыёна і яго вынікі? На гэтым пытанні садакладчык таксама спынілася. Яна, у прыватнасці, адзначыла: “Летась з аўкцыёна грама-дзянам Беларусі прададзены 21 участак для будаўніцтва і абслугоўвання жылога дома: 20 у прыватную ўласнасць і 1 з правам арэнды; сёлета – з аўкцыёна 12 у прыватную ўласнасць для будаўніцтва і абслугоўвання жылога дома грамадзянам нашай краіны.
З мэтай дадатковага прыцягнення сродкаў у раённы бюджэт і бюджэты сельскіх Саветаў 55 зямельных участкаў уключаны ў пералік свабодных, якія будуць прадавацца на аўкцыёнах у прыватную ўласнасць. Летась бюджэты папаўняліся таксама ад заключэння дагавораў на працяг арэнды пад павільёнамі; выдзялялі ўчасткі па кадастравым кошце ў прыватную ўласнасць”.
І ў заключэнне начальнік землеўпарадкавальнай службы райвыканкама Лілія Сакалова заўважыла, што для дасягнення пастаўленых мэтаў добраўпарадкаванне населеных пунктаў і навядзенне парадку на зямлі, прыцягненне пустуючых невыкарыстоўваемых земляў у сельскагаспадарчы абарот патрабуе пастаяннага і сістэмнага характару.
У абмеркаванні дакладаў прынялі ўдзел старшына Крыўлянскга сельскага Савета дэпутатаў, дэпутат ад Крыўлянскай выбарчай акругі №26 Анатоль Марчук, начальнік філіяла КУП “Брэст-
аблдарбуд” Жабінкаўскае ДРБУ №103, дэпутат ад Скарынаўскай выбарчай акругі №2 Алег Марчанка і галоўны інжынер КУШВП ЖКГ “Жабінкаўская ЖКГ” Генадзь Хількевіч.
Затым на сесіі былі ўнесены змены і дапаўненні ў рашэнні Жабінкаўскага раённага Савета дэпутатаў №№89, 110, 103, а таксама зацверджана Праграма дзяржаўных гарантый па забеспячэнні грама-дзян даступным медыцынскім абслугоўваннем на тэрыторыі раёна на 2017 год.
Па ўсіх абмеркаваных пытаннях прыняты адпаведныя рашэнні.
Быў яшчэ адзін момант пад час работы сесіі. Дэпутат раённага Савета дэпутатаў Мікалай Гацкевіч быў узнагароджаны граматамі абласнога Савета дэпутатаў і раённага выканаўчага камітэта за ўмелае кіраўніцтва калектывам, дзе паспяхова ўка-раняюцца інавацыйныя праекты і праграмы, накіраваныя на развіццё электрасувязі на Жабінкаўшчыне. Узнагароды ўручылі старшыня раённага Савета дэпутатаў Анатоль Шалтанюк і старшыня райвыканкама Дзмітрый Гарадзецкі.
Падрыхтавала Людміла КОСЦІНА.

Popularity: 1%

Святлана БЯЛЯК. Фота аўтара.
Праехаць міма сядзібы Галавачукоў у Старым Сяле проста немагчыма. Сярод квітнеючых маладзенькіх яблынь прыгожым шатром раскінуліся арэлі, а побач у чаканні спадарожнага ветру прымасціўся карабель з узнятымі ветразямі. А як арыгінальна аформлена каванымі ружамі звычайная паштовая скрынка на плоце!

Усе гэтыя вырабы зроблены рукамі двух братоў Галавачукоў – Андрэя і Віталя. Першы мае спецыяльнасць механіка, другі – трактарыста. У вёсцы іх негалосна ахрысцілі кавалямі. Хлопцы-самавукі любяць тварыць у гаражы зімой, калі свабодныя ад клопатаў у агародзе. Для рэалізацыі ідэй у іх распараджэнні зварачны апарат, кавадла, горн і балгарка.
– Неяк у інтэрнэце пабачыў мангал у выглядзе карабля з ветразямі, – расказвае Андрэй. – Падумалася: а мы што, лыкам шытыя? Паказаў брату, і загарэліся зрабіць падобны.
Ніякіх чарцяжоў, схем не мелі, аднак мелі вялікае жаданне тварыць. І пачалося другое жыццё металалому: ветразі хлопцы выразалі з капота нікому не патрэбнага “Масквіча”, на борт пайшло дно аўтамабіля, прыдаўся і звычайны ланцуг ад веласіпеда. Праз тыдзень карабель-мангал прайшоў “іспыты”: шашлыкі ўдаліся надзвычай смачнымі!
Потым браты ўзяліся за выраб утульных і вялікіх садовых арэляў. Набылі 70 метраў профілю на нясучыя канструкцыі, полікарбанат – на дах, абгаблявалі дошкі. Прадумалі, каб драўлянае сядзенне раскладвалася, балгаркай выпілілі на падлакотніках і спінцы мудра-гелістыя ўзоры, потым пакрылі марылкай і лакам. Гатовы выраб радуе вока і вельмі-вельмі зручны! Дарагавата атрымалася, аднак такой садовай гушкалкі ні ў якім магазіне не купіш!
Жонка Андрэя – Таццяна – папрасіла мужа-ўмельца зрабіць вешалку-стойку для вопраткі. І тут зноў дапамог інтэрнэт. Праўда, хлопец удасканаліў канструкцыю: дадаў яшчэ адно рабро жорсткасці і ўпрыгожыў каванымі ружамі.
Цяпер шматлікім сябрам і знаёмым гасцінных Галавачукоў ёсць дзе распрануцца і на што падзівіцца.
Андрэй прызнаўся, што марыць выкаваць плот, змайстраваць альтанку, гамак на трох ножках, лазню і многае іншае. “Мне хочацца выразаць з дрэва. Гэта, відаць, перадалося ад дзеда Міхаіла Лукіча, вядомага ў свой час на ўсю вёску цесляра”. Дый з жалезам корпацца Андрэю падабаецца. Кавальскіх навыкаў крыху бракуе – трэба не толькі ведаць, які матэрыял кладзеш на кавадла, якога ён сплаву і г. д., але і адчуваць метал душой. Здаецца, жалеза ажывае, калі распальваецца. І вельмі прыемна бачыць канчатковы вынік сваёй справы”.
На здымку: каваль-самавук Андрэй Галавачук.

Popularity: 1%