Day: 08/06/2016

З 1 ліпеня ў Рэспубліцы Беларусь будзе праведзена дэнамінацыя беларускага рубля шляхам замены банкнотаў узору 2000 года, якія знаходзяцца ў абарачэнні, на банкноты і манеты ўзору 2009 года ў суадносінах 10 000 беларускіх рублёў у грашовых знаках узору 2000 года і 1 беларускі рубель у грашовых знаках узору 2009 года.

Гэта значыць, самы нізкі намінал банкноты, які дзейнічае цяпер – 100 рублёў – будзе заменены на самы нізкі намінал новага грашовага рада – 1 капейку.
Па прынцыпе 1:10 000 пры правядзенні дэнамінацыі будуць пералічаны зарплаты, пенсіі, стыпендыі, рэшта грашовых сродкаў на банкаўскіх рахунках, балансы прадпрыемстваў і ўстаноў.
Працэс дэнамінацыі не паўплывае на пакупную здольнасць беларускага рубля, курс нацыянальнай валюты адносна замежных валют, фактычны ўзровень інфляцыі.
Банкноты
Усяго з 1 ліпеня 2016 года ў абарачэнне будуць выпушчаны сем наміналаў банкнотаў – 5, 10, 20, 50, 100, 200 і 500 рублёў.
Канцэпцыя дызайну новых банкнотаў адпавядае дэвізу «Мая краіна – Беларусь» з выявай помнікаў архітэктуры і горадабудаўніцтва на правых баках банкнотаў. Адным з самым прыкметных адрозненняў новых банкнотаў ад старых з’яўляецца тое, што яны адрозніваюцца па памеры. Так, усе наміналы банкнотаў маюць аднолькавую вышыню – 72 мм. Па даўжыні наміналы банкнотаў павялічваюцца на 4 мм: ад 135 мм – у банкнота наміналам 5 рублёў, да 159 мм – 500-рублёвага банкнота.
Манеты
З 1 ліпеня 2016 года ўпершыню ў навейшай гісторыі Рэспублікі Беларусь у наяўным грашовым абарачэнні з’явяцца металічныя манеты. Усяго восем наміналаў манет – 1, 2, 5, 10, 20 і 50 капеек, а таксама 1 і 2 рублі.
Рашэнне аб выкарыстанні ў абарачэнні (цыркуляцыйных) манет з’яўляецца важным. Цяпер банкноты нізкіх наміналаў, якія знаходзяцца ў абарачэнні, выконваюць ролю цыркуляцыйных манет, і як вынік, хутка зношваюцца, у сувязі з чым Нацыянальны банк траціць немалыя сродкі на выраб гэтых банкнотаў. Увядзенне манет у абарачэнне абумоўлена больш працяглым іх тэрмінам службы ў параўнанні з папяровымі банкнотамі, што дасць магчымасць сэканоміць дзяржаўныя грашовыя сродкі, паколькі «жыццё» манет шматразова перавышае тэрміны фізічнага зносу банкнотаў.
На аверсе беларускіх манет размешчаны відарыс Дзяржаўнага герба Рэспублікі Беларусь – аднаго з сімвалаў нашай дзяржавы.
На рэверсе беларускіх манет раскрываецца тэма аднаго з самых папулярных напрамкаў народнай творчасці – ткацтва.
Пры вызначэнні сапраўднасці банкнотаў на прасвет, трэба звярнуць увагу на:
1. Вадзяны знак. На правым баку банкнотаў злева ад асноўнай выявы на незадрукаваным полі размешчаны лакальны паўтонавы вадзяны знак, які паўтарае фрагмент асноўнай выявы правага боку банкнота.
2. Ахоўную нітку. Металізаваная аконнага (ныраючага) тыпу, якая выходзіць на паверхню правага боку банкнота ў выглядзе прамавугольнікаў, што ўтвараюць пункцірную лінію. Пры разгля-дзе банкнота на прасвет ахоўная нітка выглядае суцэльнай цёмнай паласой з негатыўным (светлым) тэкстам у прамой і перавернутай выяве.
3. Сумяшчальная выява. Фрагмент наміналу на правым баку банкнота сумяшчаецца на прасвет з фрагментам наміналу на адваротным баку банкнота, утвараючы суцэльную выяву наміналу банкнота.
4. Cornerstone® – спецыяльны метад умацавання вуглоў банкнота. Вуглы банкнота ўмацаваны шляхам дабаўлення звышшчыльных «палосак» метадам вадзянога знака, якія надаюць структурную калянасць паперы. На прасвет відаць чаргаванне цёмных і светлых палос.
5. MASK™ – комплексны элемент аховы, які складаецца з дзвюх выяў, выкананых па спецыяльнай тэхналогіі. Верхняя выява (геаметрычны ўзор) назіраецца ў адлюстраваным звычайным святле, ніжняя (намінал банкнота, які складаецца з кропак) – на прасвет.
Аб пераліку цэн, актываў, балансаў
Цэны на тавары і паслугі з 1 ліпеня будуць пералічаны ў адпаведнасці з выбраным маштабам дэнамінацыі – 10 000:1. Іншымі словамі, калі да дэнамінацыі які-небудзь тавар каштаваў, напрыклад, 100 000 рублёў, то пасля дэнамінацыі яго цана скла-дзе 10 рублёў. Такім чынам, правя-дзенне дэнамінацыі не акажа ўплыву на пакупную здольнасць беларускага рубля, паколькі суадносіны грашовай масы ў абарачэнні і цэн на тавары і паслугі застаюцца нязменнымі.
З 1 ліпеня па 31 снежня вытворцы, прадаўцы, пастаўшчыкі пры прадастаўленні спажыўцам інфармацыі аб прапануемых таварах (работах, паслугах) абавязаны пазначаць цэны (тарыфы) у грашовых знаках узору 2000 года і грашовых знаках узору 2009 года.
Пачынаючы з 1 ліпеня 2016 года налічэнне заработнай платы, пенсій, дапамог і іншых відаў выплат будзе праводзіцца ў дэнамінаваных грашовых адзінках.
У сувязі з дэнамінацыяй у канцы дня 30 чэрвеня 2016 года банкі зробяць пералік рэшты, у тым ліку па рахунках кліентаў, да якіх выда-дзены банкаўскія плацежныя карткі, у суадносінах 10 000:1. Адпаведна, калі 30 чэрвеня рэшта па рахунку, адкрытым у банку, складала 1 000 000 беларускіх рублёў, то пасля пераліку 1 ліпеня рэшта складзе 100 беларускіх рублёў.
Запазычанасць па крэдыце і працэнтах за карыстанне ім, памер штомесячных плацяжоў з 1 ліпеня 2016 года будуць пералічаны ў адпаведнасці з выбраным маштабам дэнамінацыі. Заключэння дадатковых пагадненняў да крэдытных дагавораў не спатрэбіцца.
БелТА.

Popularity: 1%

1 красавіка ў рамках Міжнароднай выставы-кірмашу “Садзейнічанне здароваму ладу жыцця-2016” стартаваў абласны конкурс “Здаровая сям’я”. Арганізатарамі яго з’яўляюцца Брэсцкі аблвыканкам, ДУ “Брэсцкі абласны цэнтр гігіены, эпідэміялогіі і грамадскага здароўя” пры падтрымцы зацікаўленых ведамстваў і грамадскіх аб’яднанняў.
Праводзіцца конкурс сярод поўных сем’яў, якія выхоўваюць двух і больш дзяцей, бацькі іх з’яўляюцца грамадзянамі Беларусі, пастаянна жывуць на тэрыторыі Брэсцкай вобласці, займаюць актыўную грамадзянскую пазіцыю, выхоўваюць дзяцей у любові да Радзімы, павазе да старэйшых і далучаюць да працы. Ствараюць неабходныя ўмовы для выхавання і развіцця нашчадкаў, фарміруюць здаровы лад жыцця і бяспеку іх жыццядзейнасці, захоўваюць і ўмацоўваюць іх здароўе.
Першы этап конкурсу – раённы. Для ўдзелу ў ім на адрас ДУ “Жабінкаўскі райЦГЭ” падаецца заяўка пэўнай формы, а затым, не пазней 1 ліпеня, да яе дадаюцца ўсе неабходныя дакументы ў адпаведнасці з палажэннем аб правядзенні раённага конкурсу (тэлефон для даведак 2-11-19). Конкурсныя матэрыялы пераможцаў першага этапу, якія занялі першае, другое і трэцяе месцы будуць накіраваны для ўдзелу ў другім – абласным. Пераможцы абласнога этапу атрымаюць за 1 месца 10000000 рублёў, за другое – 6000000, за трэцяе – 4000000 рублёў. Заахвочвальнае, а іх будзе тры, – па 3000000 рублёў. Запрашаюцца ўсе жадаючыя.
Надзея ШОСЦІК, галоўны дзяржаўны санітарны ўрач Жабінкаўскага раёна.

Popularity: 1%

У шведскім горадзе Йончопінг адбыўся Чэмпіянат свету па тайскім боксе. За галоўны тытул сусветнага чэмпіянату змагаліся каля тысячы спартсменаў з больш чым 100 краін. Беларусь на ім прадстаўлялі 26 байцоў, 8 з якіх юніёры (да 18 гадоў). У цэлым, нацыянальная зборная сёлета паказала добры вынік – пяць залатых, адзін сярэбраны, чатыры бронзавыя медалі, і прымусіла папацець і пахвалявацца родапачынальнікаў гэтага спорту – зборную Тайланда ў барацьбе за першае каманднае месца. У выніку Беларусь стала другой у агульнакамандным заліку.

Упершыню за нацыянальную зборную краіны на Чэмпіянаце свету па тайскім боксе выступіў берасцеец – супрацоўнік Жабінкаўскага раённага аддзела надзвычайных сітуацый Віталь Раманоўскі (вагавая катэгорыя да 54 кілаграмаў, старшы трэнер Аляксандр Валадзько) – на здымку. 11 гадоў ён захапляецца такім боксам. Чэмпіянату папярэднічалі шматлікія трэніроўкі, якія Віталь сумяшчаў з асноўнай прафесійнай дзейнасцю – ён начальнік каравула РАНС. У скарбонку зборнай Беларусі баксёр паклаў бронзавы медаль. Ён перакананы, што воля да перамогі і імкненне да дасканаласці, несумненна, прывядуць да годных вынікаў.
Пасля ашаламляльнага паядынку, які Віталь скончыў упэўненым накаўтам саперніка з Філіпін, яму давялося сустрэцца ў паўфінале з адным з лепшых байцоў Тайланда, чэмпіёнам “Раджадамнер” і WMC – Manasak Pinsinchai (які ў выніку і стаў чэмпіёнам свету ў дадзенай катэгорыі). Гаворачы пра гэты паядынак, галоўны трэнер зборнай Беларусі па тайскім боксе Міхаіл Сцяпанаў адзначыў: “Абодва сапернікі не саступалі адзін аднаму на рынгу, але нашаму спартсмену не хапіла крышачку вопыту. На жаль, Віталь прайграў тайцу па ачках і заваяваў бронзавы медаль”.
Беларуская федэрацыя кікбоксінга і тайскага бокса рыхтуе дакументы на прысваенне Віталю Раманоўскаму звання майстра спорту Беларусі. Намеснік міністра ўнутра-ных спраў нашай краіны, камандуючы ўнутранымі войскамі генерал-маёр Юрый Караеў узнагародзіў калегу нагрудным знакам “За самаадданую службу”.
Наперадзе ў Віталя новыя спаборніцтвы – Чэмпіянат Еўропы, які адбудзецца ў кастрычніку ў Харватыі, затым – Кубак Свету – у лістападзе 2016-га ў Расійскай Федэрацыі ў Казані.
Віталь Раманоўскі выказвае падзяку Мі-ністэрству надзвычайных сітуацый Рэспублікі Беларусь, Брэсцкаму абла-сному ўпраўленню МНС за дапамогу ў падрыхтоўцы да Чэмпіянату свету і фінансаванне, а таксама сваім трэнерам, бацькам, калегам, сябрам – усім, хто падтрымліваў яго пад час спаборніцтваў.
Таццяна МАРТЫНАВА, спецыяліст групы прапаганды і ўзаемадзеяння з грамадскасцю Жабінкаўскага РАНС.

Popularity: 1%

Распоряжением председателя Жабинковского райисполкома по согласованию с Брестским облисполкомом с 3 июня этого года заместителем председателя районного исполнительного комитета назначен Максим Анатольевич Антонюк. Родился 26 октября 1982 года в Бресте. Закончил Брестский государственный технический университет по специальности водоснабжение, водоотведение, очистка природных и сточных вод, а также Академию при Президенте Республики Беларусь по специальности государственное и местное управление. После окончания технического университета свою трудовую деятельность Максим Анатольевич начал в должности инженера по подготовке производства КУПП «Брестское предприятие аварийно-восстановительных работ». В 2006 и 2007 годах работал в жилищном ремонтно-эксплуатационном управлении Бреста, сперва – инженером главного энергетика, а затем главным инженером жилищно-эксплуатационной службы. С 2008 по 2012 год прошел путь от инженера первой категории отдела водопроводно-канализационного хозяйства до начальника жилищного отдела Брестского ОУП «Управление жилищно-коммунального хозяйства». В январе 2012 года назначен начальником производственно-технического отдела КУМПП ЖКХ «Брестское городское ЖКХ», в этом же году занял должность заместителя председателя комитета по архитектуре и строительству Брестского облисполкома.
Коммуникабелен и организован, благодаря опыту работы, компетентности и знанию своей и смежных сфер деятельности, без сомнения, внесет весомый вклад в развитие и процветание Жабинковщины.

Popularity: 3%